Ўзбекистон Республикаси Президентининг жорий йил 3- февралдаги тегишли Фармонига кўра, Қорақалпоғистон Республикаси, Жиззах, Наманган, Тошкент ва Фарғона вилоятлари ҳудудида қишлоқ хўжалигига мўлжалланган ер участкаларини ажратишда тажриба-синови йўлга қўйилди.

Янги тизим доирасида ер участкалари – 3 гектардан 50 гектаргача бўлган ўлчамларда “Э-аукцион” электрон савдо платформаси орқали сотилади.

Электрон онлайн-аукцион савдоларида жисмоний шахслар, юридик шахслар (резидентлар) ҳамда чет эл инвестициялари иштирокидаги корхоналар қатнашиши мумкин.

Маълумот ўрнида таъкидлаш лозимки, савдода қатнашиш учун иштирокчиларнинг яшаш жойи, ташкилий-ҳуқуқий шакли, ер участкалари бор ёки йўқлиги инобатга олинмайди.

ЎзА