Буюк Британиянинг машҳур “Wanderlust” сайёҳлик журнали «Reader Travel Awards» учун дунёдаги энг севимли манзиллар рейтинги бўйича сўровнома ўтказди.
Сўровнома натижасига кўра, жорий йил 168 минг нафар саёҳатчи 22 йўналишда овоз берган. Журнал ўқувчилари ўзларининг келажакдаги севимли йўналиши учун ҳам овоз беришган ва Ўзбекистонни энг истиқболли ривожланаётган йўналиш деб эътироф этишган.
Мазкур рўйхатда Албания иккинчи, Қатар эса учинчи ўринни эгаллаган, дейилади Ўзбекистон Туризм қўмитаси маълумотида.
Журналда Ўзбекистон ўзининг тарихий бойликларидан тортиб, Қизилқум чўлининг бепоён кенгликлари ва Орол денгизи қирғоқларигача бўлган ажойиб табиий манзараларга эга экани, бироқ бу гўзалликлар кўпинча эътибордан четда қолиши таъкидланган.
Б.Худойбердиев,
ЎзА