Ўзбекистон Республикаси Фанлар академияси президентини сайлашга бағишланган мажлис бўлиб ўтди.
Мажлисда сўзга чиққан академиклар ўзбек илм-фани олдида турган бир қатор долзарб масалаларни таъкидлаб ўтишди.
Шунингдек, иштирокчилар Ўзбекистон Республикаси Фанлар академияси президентлигига академик Шавкат Аюповнинг номзодини қўллаб-қувватлашди.
Академик Шавкат Аюпов Фанлар академиясининг президенти этиб сайланди.
Шавкат Аюпов – физика-математика фанлари доктори. Фанлар академияси Математика институти директори сифатида узоқ йиллардан буён мамлакатимиз илм-фанига муносиб ҳисса қўшиб келмоқда. Олий Мажлис Сенати аъзоси.
Шунингдек, 2021 йилда «Ўзбекистон Қаҳрамони» унвони билан тақдирланган.
Н.Раҳмонова, ЎзА