Германиянинг Гамбург шаҳрида ўтган профессионал бокс оқшомида ҳамюртимиз Шоҳжаҳон Абдуллаев оғир вазнда Босния ва Герцеговиния вакили Жамал Босняк билан жанг ўтказди.
Universum Box Promotion промоутерлик компанияси томонидан ташкил этилган жанг белгиланганидек олти раунд давом этди.
Абдуллаевнинг устунлигида кечган баҳсда ҳакамларнинг якдил қарори билан ҳамюртимиз 60-53, 60-53, 60-53 ҳисобида ғалаба қозонди.
Эслатиб ўтамиз, Шоҳжаҳон Абдуллаев бугунгача профессионал боксда 3 та жанг ўтказиб, барчасида ғалаба қозонган.
Т.Рўзиев,
ЎзА