Эртага, 10 сентябрь куни ЖЧ-2026 3-саралаш босқичи 2-тури доирасида Ўзбекистон терма жамоаси Бишкекда Қирғиз Республикаси терма жамоаси билан куч синашади.

Бугун Қирғиз Республикаси – Ўзбекистон ўйини олдидан жамоалар расмийлари иштирокида учрашув бўлиб ўтди.

Бу ҳақда Ўзбекистон футбол ассоциацияси матбуот хизмати хабар берди.

Учрашув давомида ОФК вакиллари ва маҳаллий ташкилий қўмита томонидан иштирокчиларга ўйинга оид бир қатор масалалар, хусусан, медиа, маркетинг, тиббиёт ва хавфсизлик бўйича тушунтириш ва эслатмалар бериб ўтилди.

Вакилларимиз мазкур баҳсда тўлиқ кўк либосда, дарвозабонимиз эса яшил либосда ҳаракат қилиши эълон қилинди.

Учрашув эртага Тошкент вақти билан соат 19:00да бошланади.

Т.Рўзиев,

ЎзА