Қозоғистоннинг Остона шаҳрида 22 ёшгача бўлган чарм қўлқоп усталари ва ёшлар ўртасидаги Осиё чемпионати давом этмоқда.
Мусобақада терма жамоамиз аъзолари ўз ёш тоифасидаги баҳсларда муваффақиятли иштирок этмоқда. Жумладан, вазни -54 кг. бўлган Собиржон Тастанов ироқлик Аббас Қасим Ал-Саррайни 5:0 ҳисобида таслим этди. 86 килограммгача вазнда бўлган Акмалжон Исроилов эса ҳиндистонлик Сангван Ҳемантни мағлубиятга учратди. 54 килограммгача вазн тоифасида Узукжамол Юнусова қирғизистонлик Алина Сизоненкони 2-раундда техник нокаутга учратди. Шунингдек, Феруза Шарипова ҳамда Одинахон Исмоилова ўз вазнида ғалабага эришди.
Бугун, 30 апрель куни 7 нафар боксчимиз рингга кўтарилади. Унда 22 ёшгача бўлган боксчилар рингга кўтарилади.
Боксчиларимизнинг рақиблари билан танишинг:
-48 кг: Шодиёржон Мелиқўзиев — Жай Брян Бариcуатро (Филиппин);
-60 кг: Саят Илясов — Родсук Пҳутҳанет (Таиланд);
-67 кг: Шавкатжон Болтаев — Жейҳун Тагаймурадов (Туркманистон);
-75 кг: Жавоҳир Умматалиев — Гҳансом Виттҳая (Таиланд);
-54 кг: Нигина Ўктамова — Преэти (Ҳиндистон);
-60 кг: Муштарийбону Иброҳимжонова — Яо Чинг-Ю (Хитой Тайпейи)
Жавоҳир Тошхўжаев,
ЎзА