Бугун, 13 апрель эрта тонгда Халқаро бокс ассоциацияси президенти Умар Кремлев етакчилигидаги делегация аъзолари Ислом Каримов номидаги Тошкент халқаро аэропортида тантанали кутиб олинди.
Хабар берганимиздек, эртага 14 апрель куни юртимизда илк бор ўтадиган «IBA чемпионлар оқшоми»нинг жангларини жонли кузатиб бориш ва боксчиларни қўллаб-қувватлаш учун Тошкентга келган IBA делегацияси аъзолари бир кун муқаддам Тожикистон пойтахти Душанбеда бўлиб, мамлакат спорт мутасаддилари билан учрашувлар ўтказди.
Эслатиб ўтамиз, пойтахтимиздаги «Ҳумо Арена» спорт мажмуасида ўтадиган «IBA чемпионлар оқшоми» жангларида енгилмас боксчимиз Ҳасанбой Дўсматов испаниялик Самуел Кармонага қарши жанг ўтказса, Ўзбекистон терма жамоаси аъзолари жаҳон терма жамоасига қарши кечадиган учрашувларда рингга кўтарилади.
Т. Рўзиев, ЎзА