Арманистон ташқи ишлар вазири Арарат Мирзоян мамлакат Европа Иттифоқига кириш йўлида жиддий қадам ташлай бошлаганини маълум қилди.

– Сўнги 3-4 йил ичидаги қийинчиликларни инобатга олган ҳолда, шу кунларда Арманистон мавжуд янги имкониятлар, жумладан Европа Иттифоқига қўшилиш масаласини кенг муҳокама қилмоқда, – деди у Туркиянинг “TRT World” телеканалига берган интервьюсида.

Таъкидланишича, Арманистон халқи Европага интилмоқда. Афсуски, ҳозир ҳеч ким бу жараён қандай якунланишини олдиндан айта олмайди.

Аввалроқ Бош вазир Никол Пашинян ЕИга кириш учун ариза 2024 йил кузидан кечиктирмай топширилишини айтган эди.