Президентнинг жорий йил 5 мартдаги қарори билан “ACWA Power Company” (Саудия Арабистони) компанияси томонидан Қорақалпоғистон Республикасининг Қўнғирот туманида қуввати 500 МВт бўлган шамол электр станцияси ҳамда ҳаво электр узатиш тармоғи қурилади.
Лойиҳа доирасида “ACWA Power KRPK Wind” МЧЖ таъсис этилди.
Шунингдек, “ACWA Power Company” томонидан Бухоро вилоятининг Ғиждувон туманида қуввати 300 МВт бўлган шамол электр станцияси ҳамда электр узатиш тармоғини қуриш инвестиция лойиҳаси амалга оширилади. Лойиҳа доирасида “ACWA Power Gijduvan Wind” МЧЖ ташкил қилинди.
ЎзА