Статистика агентлиги маълумотларига кўра, мамлакатимизга 2024 йилнинг январь ойида хориждан қиймати 222,8 млн. АҚШ долларига тенг бўлган 10 237 дона енгил автомобиль импорт қилинган.
Ўзбекистонга 2024 йилнинг январь ойида энг кўп енгил автомобиль импорт қилинган давлатлар: Хитой – 7 571 дона, Корея – 2 373 дона, АҚШ – 219 дона, бошқа давлатлар – 74 дона.
Шунингдек, мазкур вақт ичида хориждан қиймати 44,3 млн. АҚШ долларига тенг бўлган 1 594 дона электромобиль импорт қилинган.
Ўзбекистонга 2024 йилнинг январь ойида энг кўп (1577 та) электромобилларни Хитойдан импорт қилган. БААдан 8 дона ва бошқа давлатлар 9 дона электромобиль харид қилинган.
Маълумот учун, электромобиль импорти ўтган йилнинг мос даврига нисбатан 4,5 бараварга (389 дона, 13 млн долларга) ошган.
Ш.Маматуропова,
ЎзА