“Тошкент” халқаро аэропортида “Fly Khiva” маҳаллий авиакомпаниясининг Рейкьявика (Исландия) шаҳридан келган ҳаво кемаси кутиб олинди.

“Uzbekistan Airports” хабар беришича,  Boeing 767-304 юк ташувчи самолёти “Fly Khiva” авиакомпанияси паркидаги биринчи самолёт бўлди.

Авиакомпания вакиллари яқин келажакда ўз паркларини худди шу турдаги самолётлар билан тўлдириш бўйича режалари, шунингдек, Дубай (БАА), Истанбул (Туркия), Деҳли (Ҳиндистон) ва Гонконг (Хитой)га юк ташувларини амалга ошириш мақсадлари ҳақида маълум қилди.

“Fly Khiva” — Fly Khiva Group компанияси таркибига кирувчи, Урганчда асос солинган маҳаллий авиакомпаниядир. У 2021 йилда фуқаролик, юк ва бизнес авиациясини ривожлантириш мақсадида ташкил этилган.

Роман БОНДАРЧУК тайёрлади, ЎзА