Хоккей бўйича Қозоғистон очиқ чемпионати доирасида «Ҳумо» ҳамда «Иртиш» жамоалари ўртасидаги бешинчи учрашув ўтказилди.
Тошкентдаги “Ҳумо” кўп тармоқли спорт мажмуасида бўлиб ўтган ушбу ўйинда пойтахтимиз клуби рақибларини 10:0 ҳисобида мағлубиятга учратди ва мунтазам чемпионатдаги очколар сонини 66 тага етказиб олди. “Ҳумо” хоккей клуби «Иртиш»га қарши ўтган 4 ўйинда 7:1, 6:0, 4:1 ва 9:1 ҳисобларида ғалаба қозонган эди.
Энди “Ҳумо” 15 январь куни Усть-Каменогорскнинг “Торпедо” жамоасига қарши 5-учрашувини ўтказади. Маълумот учун, ушбу жамоалар ўртасидаги ўтган тўрт ўйинда ҳоккейчиларимизнинг қўли баланд келган.
Жавоҳир Тошхўжаев,
Муҳаммад АМИН (сурат),ЎзА