АҚШ бир ҳафтадан кейин сайлов ўтказиш арафасида турган Тайванга 300 миллион долларлик ҳарбий ёрдамни маъқуллаганидан кейин Хитой Қўшма Штатларнинг қурол ишлаб чиқарувчи компанияларига санкция киритди.

Пекин ўзини-ўзи бошқараётган ушбу орол мамлакатни ўз ҳудудининг бир қисми сифатида даъво қилиб келади ва куч ишлатишни истисно этмайди. Бундай вақтда АҚШ Тайванни қўллаб-қувватлаш позициясида қолади.

Бундай қарши чоралар фонида санкцияга учраган компаниянинг мулклари музлатилади ва Хитойдаги компаниялар ва жисмоний шахсларга улар билан ҳамкорлик қилиш ман этилади. Тайваннинг амалдаги президенти Цай Инвэн тайванликлар ўз келажагини ўзлари ҳал қилиши кераклигини айтади.

Эслатиб ўтамиз, Тайванда жорий йилнинг 13 январида президентлик ва парламент сайловлари бўлиб ўтади.