“Радиочастоталарнинг электромагнит майдонлари манбалари билан ишлашнинг санитария қоидалари ва нормалари” (0060-23-сон СанҚваН) янги таҳрирда ишлаб чиқилди.

Хўш, радиочастоталар ўзи нима? 

Радиочастоталар (радиотўлқинлар) – белгилар, сигналларни, ёзма матнни, тасвирлар ва товушларни узатиш ёки қабул қилиш мақсадида фазода сунъий тўлқин ўтказгичсиз тарқатиладиган, шартли равишда уч минг гигагерцдан камроқ қилиб қабул қилинган частотали электромагнит тўлқинлар ҳисобланади.

Ҳозирги кунда ўлчов ускуналари сезгирлиги ошгани сабабли энг кичик электромагнит майдон кўрсаткичи 60 килогерцдан 3 килогерцгача камайтирилди.

Ҳуқуқий норма ва санитария қоидалари, нормалари ва гигиена нормативлари предметига тааллуқли бўлмаган ҳамда эскирган бандлар олиб ташланган. Жумладан, санитария қоидаларининг мажбурийлиги, бошқа ҳужжатларда эътиборга олиш зарурлиги, радиочастота манбаи ускуналари турлари, ўлчов ускуналарининг “Ўзстандарт” гувоҳномаси бўлиши, изотоп датчикли ўлчов асбобларини ишлатиш зарурлиги, инженер-техник чора-тадбирлар. Шунингдек, эскирган ўлчов асбобларининг номлари олиб ташланган.

Бундан ташқари, Россия Федерацияси ва Беларусь Республикаси СанПиНлари билан уйғунлаштирилган.

Иш жойларидаги энергия экспозициясининг, электромагнит майдонларининг кучланиши ва энергия оқимининг рухсат этилган максимал даражалари халқаро талабларга мослаштирилган. Электромагнит майдон кўрсаткичларини ўлчаш даврийлиги, ўлчов воситаларига бўлган талаблар, инструментал назоратга тайёргарлик ва назорат ўтказиш тартиби келтирилган.

ЎзА