Ózbekstan Respublikası Prezidentiniń qararı

Elimizde hayal-qızlardı qádirlew, olardıń iygilikli arzıw-niyetlerin qollap-quwatlaw jáne óziniń qábileti, áhmiyetli ideya hám baslamaları, ibratlı ámeliy jumısları hám erisken jetiskenlikleri menen jaslarǵa órnek bolıp kiyatırǵan, sociallıq-ekonomikalıq turmısımızdaǵı ózgerisler procesine belsene qatnasıp, elimizdiń rawajlanıwı jolında bar kúsh-ǵayratın, zamanagóy bilim hám qábiletin, ruwxıy-intellektuallıq potencialın kórsetip atırǵan qızlarımızdı múnásip xoshametlew maqsetinde:

Shańaraq hám hayal-qızlar komiteti janındaǵı Zulfiya atındaǵı Mámleketlik sıylıq komissiyasınıń Qaraqalpaqstan Respublikası, wálayatlar hám Tashkent qalasınıń qábiletli qızların aǵla minez-qulqı, ayrıqsha talantı, ziyrekligi, intakerligi, oqıwdaǵı tabısları hám bilimlendiriw, ilim, ádebiyat, mádeniyat, kórkem óner, sport, málimleme texnologiyaları tarawlarında hám jámiyetlik jumısta erisken ayrıqsha jetiskenlikleri ushın Zulfiya atındaǵı Mámleketlik sıylıq penen sıylıqlaw haqqındaǵı usınısları qosımshadaǵı dizimge muwapıq maqullansın.
Zulfiya atındaǵı Mámleketlik sıylıq penen sıylıqlanǵanlarǵa 8-mart – Xalıqaralıq hayal-qızlar kúni múnásibeti menen ótkeriletuǵın bayram saltanatlarında laureatlıq diplomları hám kókirek belgileri tapsırılsın.

Ózbekistan Respublikası Ekonomika hám qarjı ministrligi Zulfiya atındaǵı Mámleketlik sıylıqtıń laureatlarınıń hár birine bazalıq esaplaw muǵdarınıń 50 esesi muǵdarında aqshalay sıylıq beriliwin támiyinlesin.

Ózbekstan Milliy málimleme agentligi, Ózbekstan Milliy teleradiokompaniyası hám basqa da ǵalaba xabar qurallarına Zulfiya atındaǵı Mámleketlik sıylıq iyeleriniń ibratlı jumısı, olardıń ayrıqsha talantın hám erisken jetiskenliklerin keńnen sáwlelendirip barıw usınıs etilsin.

Usı qarardıń orınlanıwın qadaǵalaw Ózbekstan Respublikasınıń Bas ministri A.Aripovqa hám Ózbekstan Respublikası Prezidentiniń keńesgóyi Ǵ.Mirzaevqa júklensin.

 

Ózbekstan Respublikası

Prezidenti                        Sh.MIRZIYoEV

 

Tashkent qalası,

2026-jıl 3-mart

 

*              *              *

 

Ózbekstan Respublikası Prezidentiniń

2026-jıl 3-marttaǵı PQ-76-sanlı qararına qosımsha

Zulfiya atındaǵı Mámleketlik sıylıq penen sıylıqlanǵanlardıń

DIZIMI

Qaraqalpaqstan Respublikası boyınsha:

Satniyazova Indira Qaniyaz qızı – Qaraqalpaq mámleketlik universitetiniń 3-kurs studenti

Erimbatova Dilnoza Nurulla qızı – Qaraqalpaq mámleketlik universitetiniń 2-basqısh magistrantı