Ózbekistan Respublikası Prezidentiniń qararı

Sońǵı jıllarda respublikada turaq jaylar hám sociallıq-turmıslıq obektler qurılısın rawajlandırıw hám injenerlik-kommunikaciya hám jol transport infrastrukturaların jańalaw esapqa alınǵan halda elatlı punktlerdi qalalar hám awıllıq elatlı punktlerdiń zamanagóy arxitekturalıq kelbetin qáliplestiretuǵın qala qurılısı hújjetleri menen támiyinlew boyınsha kompleksli ilajlar sistemalı tiykarda ámelge asırılmaqta.

Ámelge asırılǵan jumıslar nátiyjesinde respublikanıń 96 qalası hám 87 qalalıq posyolkası bas rejeler menen támiyinlendi, 550 awıl puqaralar jıyınları aymaqlardı arxitekturalıq-rejelestiriw jaǵınan shólkemlestiriw joybarlarına iye.

Joybarlaw-izlew shólkemleriniń jumısın bunnan bılay da jetilistiriw hám respublika regionlarında perspektivalı hám ekonomikalıq nátiyjeli investiciyalıq sheshimlerdi islep shıǵıwdı hám ámelge asırıwdı shólkemlestiriwde olardıń belsene qatnasıwın támiyinlew maqsetinde 26 jetekshi joybarlaw-izlew shólkemi jáne «Wzshaharsozlik LITI»MUKtıń 12 filialı shólkemlestirilgen.

Biraq, qalalar hám awıllıq elatlı punktlerdiń qala qurılısı hújjetleri menen tolıq támiyinlenbegeni olardı rejeli rawajlandırıw, sociallıq-mádeniy hám óndirislik baǵdarındaǵı obektlerdi aqılǵa uǵras jaylastırıw, rawajlandırıwdıń qısqa múddetli, orta múddetli hám uzaq múddetli perspektivaların esapqa alǵan halda, injenerlik-kommunikaciya hám jol transport infrastrukturasın rawajlandırıwǵa tosqınlıq etetuǵın faktor bolıp qalmaqta. Sonıń ishinde, 23 qala hám 994 qalalıq posyolkalardı, atap aytqanda, respublikanıń 138 qalasın hám qalalıq posyolkaların bas rejeler menen támiyinlew talap etiledi.

Joybarlaw-izlew shólkemleriniń aldınǵı innovaciyalıq baǵdarlamalıq sheshimler hám zamanagóy málimleme bazası menen támiyinleniwi elege shekem jetkilikli emes, aldınǵı shet el tájiriybesi tómen dárejede engizilmekte, tarmaq ushın zárúr mamanlıqqa iye bolǵan kadrlar tayarlaw tolıq dárejede ámelge asırılmay atır, bul, tiykarlı túrde joybar ónimleriniń sapasına tásir etpekte.

Birinshi gezekte, qala qurılısı hújjetlerin islep shıǵıw hám ámelge asırıw, olar menen elatlı punktlerdi óz waqtında qamtıp alıwdı támiyinlew, joybarlaw shólkemleriniń jumısın bunnan bılay da jaqsılaw hám joqarı bilimlendiriw mákemeleri tárepinen qala qurılısı tarawı qánigelerin tayarlaw sapasın arttırıw baǵdarında qala qurılısı tarawındaǵı jumıslardıń jaǵdayın túp-tiykarınan jetilistiriw maqsetinde:

Tómendegiler:
2018-2022-jıllarda respublika qalaları menen qalalıq posyolkalarınıń bas rejelerin, sonday-aq, awıl puqaralar jıyınları aymaqların arxitekturalıq-rejelestiriw jaǵınan shólkemlestiriw joybarların islep shıǵıwdıń jıynalǵan parametrleri 1-qosımshaǵa muwapıq;

2018-2022-jıllarda respublika qalaları menen qalalıq posyolkalarınıń bas rejeleri joybarların islep shıǵıw baǵdarlamaları 2-a hám 2-b qosımshalarına muwapıq;

2018-2019-jıllarda elatlı punktlerdi tolıq rejelestiriw joybarları islep shıǵılıwı menen bir waqıtta awıl puqaralar jıyınları aymaqların arxitekturalıq-rejelestiriw jaǵınan shólkemlestiriw joybarların islep shıǵıw baǵdarlaması 3-qosımshaǵa muwapıq;

islep shıǵılıp atırǵan qala qurılısı hújjetleriniń sapasın jaqsılaw, joybarlaw-izlew shólkemleriniń jumısın rawajlandırıw, sonday-aq, qala qurılısı tarawında qánigeler tayarlawdı jetilistiriw hám olardıń mamanlıǵın arttırıw boyınsha kompleksli ilajlar 4-qosımshaǵa muwapıq tastıyıqlansın.

Ózbekistan Respublikası Mámleketlik arxitektura hám qurılıs komiteti Ózbekistan Respublikası Jer resursları, geodeziya, kartografiya hám mámleketlik kadastr boyınsha mámleketlik komiteti hám wálayatlar hákimlikleri menen birgelikte Ózbekistan Respublikası Prezidentiniń 2017-jıl 3-fevraldaǵı PP-4944-sanlı Pármanı menen tastıyıqlanǵan Puqaralardıń ózin-ózi basqarıw uyımları jumısın bunnan bılay da jetilistiriwge baylanıslı kompleksli ilajlar baǵdarlamasına muwapıq hákimshilik-aymaqlıq birliklerde puqaralardıń ózin-ózi basqarıw uyımlarınıń belgilengen shegaraları hám dúzilgen kartaları tiykarında 2019-jıl 1-fevralǵa shekemgi bolǵan múddette 2020-2022-jıllarda elatlı punktlerdi tolıq rawajlandırıw joybarları islep shıǵılıwı menen bir waqıtta awıl puqaralar jıyınlarınıń aymaqların arxitekturalıq-rejelestiriw jaǵınan shólkemlestiriw joybarların islep shıǵıw baǵdarlamasınıń tayarlanıwın hám Ministrler Kabinetine kirgiziliwin támiyinlesin.
Usı qarar menen tastıyıqlanǵan baǵdarlamalardı ámelge asırıw boyınsha buyırtpashı funkciyası Qaraqalpaqstan Respublikası arxitektura hám qurılıs komitetine, wálayatlar hám Tashkent qalalıq arxitektura hám qurılıs bas basqarmalarına júklensin.
4. Tómendegiler:
«WzbekshaharsozlikLITI» MUK – qalalar menen qalalıq posyolkalardıń bas rejeleri joybarların islep shıǵıwshı;

«Toshkentboshplan LITI» MUK – Tashkent hám Samarqand qalaları, Tashkent wálayatı qalaları menen qalalıq posyolkalardıń bas rejeleri joybarların islep shıǵıwshı;

«Qishloqqurilishloyiha» JShJ – awıllıq jerlerde awıllardıń hám qalalıq posyolkalardıń bas rejelerin, awıl puqaralar jıyınları aymaqların arxitexturalıq-rejelestiriw jaǵınan shólkemlestiriw joybarların hám olardıń quramında tolıq rejelestiriw joybarların jáne usı tolıq rejelestiriw joybarları ushın topogeodeziya kartaların islep shıǵıwshı;

Ózbekistan Respublikası Prezidentiniń 2017-jıl 2-maydaǵı «Joybarlaw-izlew shólkemleriniń jumısın bunnan bılay da jetilistiriw ilajları haqqında»ǵı PQ-2946-sanlı qararına muwapıq shólkemlestirilgen regionallıq jetekshi joybarlaw-izlew shólkemleri – joybarǵa bola xalıq sanı 20 mıń adamnan kem bolǵan qalalıq posyolkalardıń bas rejelerin islep shıǵıwshılar;

«WzGAShKLITI» MUK – topografiya-geodeziya jumısların hám qala qurılısı hújjetlerin islep shıǵıw ushın injenerlik-geologiyalıq izlewlerdi atqarıwshı etip belgilensin.

Ózbekistan Respublikası Investiciyalar boyınsha mámleketlik komiteti, Qarjı ministrligi hám Ekonomika ministrligi Mámleketlik arxitektura hám qurılıs komitetiniń tiykarlanǵan esap-sanaqları boyınsha hár jılı Mámleketlik byudjetti hám Ózbekistan Respublikasın rawajlandırıw Mámleketlik baǵdarlaması joybarların qáliplestiriwde usı qarar menen tastıyıqlanǵan joybarlardı ámelge asırıwdı qarjılandırıwǵa belgilengen tártipte zárúr qarjılardı názerde tutsın.
6. Tómendegiler:
joybarǵa bola xalıqtıń sanı 20 mıń adamnan az bolǵan qalalar menen qalalıq posyolkalardıń bas rejeleri, qaǵıydaǵa bola, eń jaqsı usınıslardı tańlap alıw tiykarında anıqlanatuǵın usı qarardıń 4-bántinde kórsetilgen joybarlaw-izlew shólkemleri tárepinen islep shıǵılıwı kerekligi;

regionallıq jetekshi joybarlaw-izlew shólkemleri tárepinen islep shıǵılǵan elatlı punktlerdiń bas rejeleri tek ǵana tiyisli túrde «Wzshaharsozlik LITI» MUK hám «ToshkentboshplanLITI» MUKtıń bas joybarlaw-izlew shólkemleri menen kelisilgennen soń tastıyıqlanıwı kerekligi;

Tashkent qalası, Tashkent wálayatı qalaları hám qalalıq posyolkalardıń jáne basqa da qalalardıń bas rejelerin islep shıǵıwǵa Ózbekistan Respublikası Ministrler Kabineti menen kelisilgen halda Mámleketlik arxitektura hám qurılıs komiteti menen dúzilgen licenziya kelisimleri tiykarında arxitektura-qala qurılısı hújjetlerin islep shıǵıw huqıqına licenziya alınbastan shet el joybarlaw-izlew shólkemleri tańlaw tiykarında tartılıwı múmkin ekenligi;

Qaraqalpaqstan Respublikası arxitektura hám qurılıs komiteti, wálayatlar hám Tashkent qalası arxitektura hám qurılıs bas basqarmalarınıń janında «Arxitektura-rejelestiriw byurosı» mámleketlik unitar kárxanaları tastıyıqlanǵan bas rejelerge iye bolǵan elatlı punktlerdiń maydanı on gektardan zıyat bolmaǵan aymaqlarında olardıń bólimlerin tolıq rejelestiriw joybarların hám qurıw joybarların islep shıǵıwǵa haqılı ekeni belgilep qoyılsın.

7. Ózbekistan Respublikası Mámleketlik arxitektura hám qurılıs komiteti 2-a qosımshaǵa muwapıq 2018-2022-jıllarda respublika qalaları menen qalalıq posyolkalardıń bas rejelerin islep shıǵıw baǵdarlaması hám 2-b qosımshaǵa muwapıq 2018-2022-jıllarda respublika qalalıq posyolkalarınıń bas rejeleri joybarların islep shıǵıw baǵdarlaması sheńberinde qalalar menen qalalıq posyolkalardıń bas rejelerin islep shıǵıw boyınsha potenciallı joybarlaw-izlew shólkemleri 2018-jıl fevral ayı dawamında belgilenetuǵının, sonday-aq, kelesi jıllarda kórsetip ótilgen baǵdarlamalardıń parametrlerin tayarlaw sheńberinde hár jılı:
1-dekabrge shekem – eń jaqsı usınıslardı tańlap alıw tiykarında qalalar menen qalalıq posyolkalardıń bas rejelerin islep shıǵıw boyınsha joybarlaw-izlew shólkemleri belgileniwin;

1-yanvarǵa shekem – qala qurılıs hújjetlerin islep shıǵıw boyınsha joybarlaw-izlew jumıslarınıń tastıyıqlanǵan mánzilli hám titul dizimleriniń tastıyıqlanıwın, sońǵılıǵında joybarlaw-izlew shólkemleri menen shártnamalar dúziliwin;

«Wzbekshaharsozlik LITI» MUK, «ToshkentboshplanLITI» MUK, «Qishloqqurilishloyiha» JShJ, «WzGAShKLITI» MUK hám regionallıq jetekshi joybarlaw-izlew shólkemleri menen birgelikte usı qarar menen tastıyıqlanǵan baǵdarlamalarda názerde tutılǵan múddetlerde qalalar menen qalalıq posyolkalardıń bas rejeleri jáne awıl puqaralar jıyınları aymaqların arxitektura-rejelestiriw jaǵınan shólkemlestiriw joybarları islep shıǵılıwın támiyinlesin.

8. Ózbekistan Respublikası Mámleketlik arxitektura hám qurılıs komiteti:
«Wzbekshaharsozlik LITI» MUK, «ToshkentboshplanLITI» MUK hám «Qishloqqurilishloyiha» JShJ menen birgelikte qala qurılısı hújjetleriniń ámelge asırılıwın támiyinlew, sonday-aq, qalalardı, qalalıq posyolkalar menen awıllıq elatlı punktlerdi qurıwda olarǵa ámel etiliwi boyınsha jergilikli atqarıwshı hákimiyat uyımları jumısınıń turaqlı túrde monitoringin alıp barsın, sońınan monitoring nátiyjelerin hár bir jıldıń juwmaǵı boyınsha Ózbekistan Respublikası Ministrler Kabinetine kirgizsin;

Joqarı bilimlendiriw mákemeleri bazasında qánige arxitektorlardı, joybarlastırıwshılar menen qurılısshılardı tayarlaw hám olardıń mamanlıǵın arttırıwdı jetilistiriw shólkemlestiriliwin názerde tutqan halda, «Wzbekshaharsozlik LITI» MUK, «ToshkentboshplanLITI» MUK, «Qishloqqurilishloyiha» JShJ hám regionallıq joybarlaw-izlew shólkemleri tárepinen islep shıǵılatuǵın qala qurılısı hújjetleri sapasınıń arttırılıwın támiyinlesin.

turaq jaylardı, sociallıq taraw obektlerin, injenerlik-kommunikaciya hám jol transport infrastrukturaların qurıwda qala qurılısı normaları menen qaǵıydalarına ámel etiliwi ústinen qatań qadaǵalaw ornatsın.

9. Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri:
turaq jaylar, sociallıq taraw obektleri menen infrastrukturanıń úlgi joybarları tiykarında qalalar, qalalıq posyolkalar menen awıllıq elatlı punktlerdiń qurılısı tiyisli elatlı punktlerdiń tastıyıqlanǵan qala qurılısı hújjetlerine hám zárúrlik bolǵanda olarǵa belgilengen tártipte kirgiziletuǵın dúzetiwlerge qatań muwapıq túrde qurılıwın;

regionlardı sociallıq-ekonomikalıq rawajlandırıwdı rejelestiriwde hám aymaqlardı qurıwda qala qurılısı hújjetleriniń ámelge asırılıwın támiyinlesin.

1 Ózbekistan Respublikası Mámleketlik arxitektura hám qurılıs komiteti joybarlaw-izlew shólkemleriniń jumısın jetilistiriw maqsetinde belgilengen tártipte:
eki ay múddette «Wzbekshaharsozlik LITI» MUK, «ToshkentboshplanLITI» MUK hám «Qishloqqurilishloyiha» JShJnıń jetekshi joybarlaw-izlew shólkemleriniń strukturasına aymaqlardı rejelestiriw hám qurıw boyınsha hújjetlerdi islep shıǵıw procesinde olardıń jumıs nátiyjeliligin arttırıwdı, sonday-aq, aldınǵı shet el tájiriybesin esapqa alǵan halda, kólemli-rejelestiriw jaǵınan joybarlastırıwdı názerde tutatuǵın ózgerisler kirgiziliwin;

joybarlaw-shólkemleri menen qala qurılısı jumısınıń basqa da qatnasıwshıları arasında tiyisli áhmiyetli málimlemeni tez hám keń kólemli tarqatıw imkaniyatın beretuǵın zamanagóy texnikalıq dárejedegi málimleme-talqılaw bazası shólkemlestiriliwin támiyinlesin.

11. Ózbekistan Respublikası Sırtqı isler ministrligi joybarlastırıwdıń, qurılıs procesin shólkemlestiriwdiń hám basqarıwdıń jańa usılların, sonday-aq, aldınǵı qurılıs texnologiyaların engiziw boyınsha aldınǵı shet el tájiriybesin úyreniw maqsetinde arxitektura tarawında shet el ilimiy-izertlew shólkemleri menen jaqınnan birge islesiwde Ózbekistan Respublikasınıń shet eldegi diplomatiyalıq wákilxanaları arqalı Ózbekistan Respublikası Mámleketlik arxitektura hám qurılıs komitetine hár tárepleme kómeklessin.
12. Ózbekistan Respublikası Mámleketlik arxitektura hám qurılıs komiteti hám Joqarı hám orta arnawlı bilimlendiriw ministrligi:
bilimlendiriwdiń jańa talap etilgen baǵdarları (qurılısta marketing, qurılısta menejdment hám basqalar) boyınsha qurılıs tarmaǵında júzege kelip atırǵan kadrlarǵa bolǵan talaplardan kelip shıǵıp, hár jılı 1-dekabrge shekem bilimlendiriwdiń usı baǵdarların ashıw hám kelesi oqıw jılında olar boyınsha qabıllaw kvotaların belgilew ushın Ózbekistan Respublikası Ekonomika ministrligine birden-bir formalarǵa muwapıq anıqlanǵan talaplar boyınsha tiykarlanǵan usınıslardı kirgizsin;

tarmaq qánigeleriniń mamanlıǵın arttırıw ushın sistemalı tiykarda tájiriybe almasıwdı hám maqsetli tájiriybe arttırıwlardı shólkemlestiriw ushın hár jılı 1-dekabrge shekem jetekshi qánigelesken shet el joqarı bilimlendiriw hám izertlew shólkemleri menen birge islesiw baǵdarlamaları islep shıǵılıwın hám tastıyıqlanıwın támiyinlesin.

13. 5-qosımshaǵa muwapıq Ózbekistan Respublikasınıń ayırım qararları óz kúshin joyıtqan dep esaplansın.
14. Usı qarardıń orınlanıwın qadaǵalaw Ózbekistan Respublikası Bas ministriniń birinshi orınbasarı – «Ózbekistan temir jolları» AJ basqarması baslıǵı A.J.Ramatovqa hám Ózbekistan Respublikası Mámleketlik arxitektura hám qurılıs komitetiniń baslıǵı B.I.Zakirovqa júklensin.
Ózbekistan Respublikası

Prezidenti Sh.MIRZIYoEV

Tashkent qalası,

2018-jıl 2-fevral

***

Ózbekistan Respublikası Prezidentiniń «2018–2022-jıllarda elatlı punktlerdi bas rejeler menen támiyinlew, joybarlaw shólkemleriniń jumısın jaqsılaw, sonday-aq, qala qurılısı tarawında qánigeler tayarlawdıń sapasın arttırıw ilajları haqqında»ǵı qararına

TÚSINIK

Sońǵı jıllarda respublikada qala qurılısın jetilistiriw tarawında kompleksli ilajlar ámelge asırıldı. Zamanagóy sociallıq obektler hám injenerlik-kommunikaciya infrastrukturası menen támiyinlegen halda xalıqtıń abadanlıq dárejesin arttırıw, arzan hám qolaylı jáne ıqsham turaq jayǵa bolǵan talapların qanaatlandırıw baǵdarındaǵı jumıslar qalalar menen awıllıq elatlı punktlerdiń arxitekturalıq kelbetinde sezilerli ózgerisler payda etpekte.

Sonıń menen birgelikte zamanagóy imaratlardı, obektlerdi, kóp funkciyalı komplekslerdi qurıwǵa ǵana emes, al elatlı punktlerde salamat turmıs tárizin úgit-násiyatlawǵa kómeklesetuǵın jańa dem alıw baǵların, qıyabanların, suw basseynleri menen sport obektlerin, sonday-aq, rekreaciya zonaların qurıwǵa hám barların abadanlastırıwǵa úlken itibar berilmekte.

Rawajlanıwdıń bas rejelerin islep shıǵıw procesi aymaqlardı rejeli hám basqıshpa-basqısh qurıwdıń tiykarı bolıp esaplanadı.

Usı faktor esapqa alınǵan halda tómendegi ilajlar kórildi:

birinshiden, maqsetli mámleketlik baǵdarlamalarǵa muwapıq 96 qala hám 87 qalalıq posyolkalar ushın bas rejeler islep shıǵıldı hám 550 awıl puqaralar jıyınları ushın aymaqlardı arxitekturalıq rejelestiriwdi shólkemlestiriw joybarları tayarlandı;

ekinshiden, bas rejelerdi sapalı hám óz waqtında islep shıǵıwdı támiyinlew maqsetinde respublika aymaqlarında qosımsha túrde 26 jetekshi joybarlaw-izlew shólkemi hám «WzshaharsozlikLITI» mámldeketlik unitar kárxanasınıń 12 filialı shólkemlestirildi, qala qurılısı hújjetlerin islep shıǵıwǵa tartılǵan bas joybarlaw shólkemleriniń jumısın jetilistiriw ilajları belgilendi.

Sonıń menen birgelikte qalalıq hám awıllıq elatlı punktlerdi qala qurılısı hújjetleri menen támiyinlew boyınsha jergilikli mámleketlik hákimiyat uyımları, ministrlikler menen vedomstvolar tárepinen kórilgen ilajlar tolıq bolmaǵanı sebepli 23 qala, 994 qalalıq posyolka hám 922 awıl xalqı jasaytuǵın orınlar tastıyıqlanǵan qala qurılısı hújjetlerine iye emes.

Joybarlaw shólkemleriniń zamanagóy texnikalıq qurallar, aldınǵı innovaciyalıq baǵdarlamalıq ónimler hám zárúr málimleme bazası menen tolıq támiyinlenbegeni joybarlaw ónimi sapasınıń tómenlewine hám islep shıǵıw múddetleriniń sozılıwına alıp kelmekte. Shet el tájiriybesin úyreniwde hám kadrlardı tayarlaw procesinde sistemanıń joqlıǵı da joybarlaw-izlew jumıslarınıń sapasına unamsız tásir etpekte.

Qala qurılısı hújjetlerin islep shıǵıwdı hám ámelge asırıwdı, olar menen elatlı punktlerdi óz waqtında qamtıp alıw ushın sharayatlar jaratıwdı, joybarlaw shólkemleriniń jumısın bunnan bılay da jetilistiriwdi, qánigelestirilgen joqarı bilimlendiriw mákemeleri tárepinen arxitektorlardı, qurılısshılardı hám tarmaqtıń basqa da qánigelerin tayarlaw sapasın arttırıwdı támiyinlew maqsetinde Ózbekistan Respublikası Prezidentiniń «2018-2022-jıllarda elatlı punktlerdi bas rejeler menen támiyinlew, joybarlaw shólkemleriniń jumısın jaqsılaw, sonday-aq, qala qurılısı tarawında qánigeler tayarlawdıń sapasın arttırıw ilajları haqqında»ǵı qararı qabıl etildi. Qararda tómendegi ilajlar názerde tutılǵan:

birinshi – 2018-2022-jıllarda respublika qalaları menen qalalıq posyolkalardıń bas rejeleri joybarların islep shıǵıw baǵdarlamaları, 2018-2019-jıllarda elatlı punktlerdi tolıq rejelestiriw joybarları islep shıǵılıwı menen bir waqıtta awıl puqaralar jıyınları aymaqların arxitektuaralıq-rejelestiriwdi shólkemlestiriw joybarların islep shıǵıw baǵdarlaması hám Islep shıǵılıp atırǵan qala qurılısı hújjetleriniń sapasın jaqsılaw, joybarlaw-izlew shólkemleriniń jumısın rawajlandırıw, sonday-aq, qala qurılısı tarawında qánigeler tayarlawdı jetilistiriw hám olardıń mamanlıǵın arttırıw boyınsha kompleksli ilajlar tastıyıqlandı;

ekinshi – 2018-2020-jıllar dáwirinde 23 qala hám 115 qalalıq posyolkanıń bas rejeleri hám Qaraqalpaqstan Respublikası menen Jizzaq wálayatında 55 awıl puqaralar jıyınları aymaqların arxitekturalıq rejelestiriwdi shólkemlestiriw joybarlarınıń islep shıǵılıwı belgilendi;

úshinshi – qala qurılısı hújjetleriniń sapasın jaqsılaw hám óz waqtında islep shıǵıw maqsetinde usı qarar menen tastıyıqlanǵan baǵdarlamalardı ámelge asırıw boyınsha buyırtpashı funkciyası jergilikli mámleketlik hákimiyat uyımlarınıń janında «Birden-bir buyırtpashı xızmeti» injiniring kompaniyalarınan Qaraqalpaqstan Respublikası arxitektura hám qurılıs komitetine, wálayatlıq hám Tashkent qalalıq arxitektura hám qurılıs bas basqarmalarına alıp berildi;

tórtinshi – qánigelestirilgen joybarlaw shólkemleri «Wzshaharsozlik LITI» mámleketlik unitar kárxanası hám «ToshkentboshplanLITI» mámleketlik unitar kárxanası menen bir qatarda Ózbekistan Respublikası Prezidentiniń 2017-jıl 2-maydaǵı «Joybarlaw-izlew shólkemleriniń jumısın bunnan bılay da jetilistiriw ilajları haqqında»ǵı PQ-2946-sanlı qararına muwapıq shólkemlestirilgen regionallıq jetekshi joybarlaw-izlew shólkemleri joybarǵa bola xalıqtıń sanı 20 mıń adamnan az bolǵan qalalıq posyolkalardıń bas rejelerin islep shıǵıwǵa tartılmaqta. Sonıń menen birgelikte «Qishloqqurilishloyiha» JShJge awıl puqaralar jıyınları aymaqların arxitexturalıq-rejelestiriwdi shólkemlestiriw joybarların islep shıǵıw menen birgelikte qosımsha tolıq rejelestiriw joybarların jáne usı tolıq rejelestiriw joybarları ushın topogeodeziya kartaların islep shıǵıw júklenbekte;

besinshi – Ózbekistan Respublikası Investiciyalar boyınsha mámleketlik komitetine, sonday-aq, Qarjı ministrligi hám Ekonomika ministrligine Ózbekistan Respublikası Mámleketlik byudjeti parametrlerinde tiyisli qarjılar ajıratılıwın názerde tutıp, usı qarar menen tastıyıqlanǵan baǵdarlamalardı ámelge asırıwdı qarjılandırıwǵa hár jılı zárúr qarjılar ajıratılıwın támiyinlew júklenedi;

altınshı – qala qurılısı hújjetlerin islep shıǵıwǵa tar sheńberdegi respublikanıń joybarlaw shólkemlerine monopol huqıq beriliwi ámeliyatınan waz keshiw maqsetinde qarar menen birinshi márte Tashkent qalası, Tashkent wálayatı qalaları menen qalalıq posyolkalarınıń jáne basqa da qalalardıń bas rejelerin islep shıǵıwǵa shet el joybarlaw-izlew shólkemlerin tańlaw tiykarında tartıw názerde tutılmaqta;

jetinshi – joybarlaw-izlew shólkemleriniń jumısın túp-tiykarınan jetilistiriw maqsetinde Ózbekistan Respublikası Mámleketlik arxitektura hám qurılıs komitetine eki ay múddette «Wzbekshaharsozlik LITI» MUK, «ToshkentboshplanLITI» MUK hám «Qishloqqurilishloyiha» JShJnıń jetekshi joybarlaw-izlew shólkemleri strukturasına aymaqlardı rejelestiriw hám qurıw boyınsha hújjetlerdi islep shıǵıw procesinde olardıń jumıs nátiyjeliligin arttırıwdı, sonday-aq, aldınǵı shet el tájiriybesin esapqa alǵan halda kólemli-rejelestiriw jaǵınan joybarlastırıwdı názerde tutatuǵın áhmiyetli ózgerisler kirgiziliwin, sonday-aq, joybarlaw-shólkemleri menen qala qurılısı jumısınıń basqa da qatnasıwshıları arasında tiyisli áhmiyetli málimlemeni tez hám keń kólemli tarqatıw imkaniyatın beretuǵın zamanagóy texnikalıq dárejedegi málimleme-talqılaw bazası shólkemlestiriliwin támiyinlew wazıypası qoyıldı;

segizinshi – aldınǵı shet el tájiriybesin puqta hám sistemalı úyrenbey hesh bir tarawda aldınǵı texnologiyalardı engiziwden real nátiyjelerge erisip bolmaytuǵının inabatqa alǵan halda Ózbekistan Respublikası Sırtqı isler ministrligine arxitektura tarawında shet el ilimiy-izertlew shólkemleri menen jaqınnan birge islesiwde Ózbekistan Respublikasınıń shet eldegi diplomatiyalıq wákilxanaları arqalı Ózbekistan Respublikası Mámleketlik arxitektura hám qurılıs komitetine hár tárepleme kómeklesiw tapsırıldı;

toǵızınshı – Ózbekistan Respublikası Mámleketlik arxitektura hám qurılıs komiteti hám Joqarı hám orta arnawlı bilimlendiriw ministrligine tarmaq qánigeleriniń mamanlıǵın arttırıw ushın sistemalı túrde tájiriybe almasıwdı hám maqsetli tájiriybe arttırıwlardı shólkemlestiriw ushın hár jılı 1-dekabrge shekem jetekshi qánigelesken shet el joqarı bilimlendiriw hám izertlew shólkemleri menen birge islesiw baǵdarlamaları islep shıǵılıwın hám tastıyıqlanıwın támiyinlew tapsırıldı;

onınshı – Ózbekistan Respublikası Mámleketlik arxitektura hám qurılıs komiteti hám Joqarı hám orta arnawlı bilimlendiriw ministrligine bilimlendiriwdiń jańa talap etilgen baǵdarları boyınsha kadrlarǵa bolǵan talaplardan kelip shıǵıp, hár jılı 1-dekabrge shekem bilimlendiriwdiń usı baǵdarların ashıw hám olar boyınsha qabıllaw kvotaların belgilew ushın Ózbekistan Respublikası Ekonomika ministrligine birden-bir formalarǵa muwapıq anıqlanǵan talaplar boyınsha tiykarlanǵan usınıslardı kirgiziw wazıypası júklendi.

Islep shıǵılıp atırǵan qala qurılısı hújjetleriniń sapasın jaqsılaw, joybarlaw-izlew shólkemleriniń jumısın rawajlandırıw, sonday-aq, qala qurılısı tarawında qánigeler tayarlawdı jetilistiriw hám olardıń mamanlıǵın arttırıw boyınsha kompleksli ilajlar qala qurılısı tarawında normativlik-huqıqıy hám normativlik-texnikalıq bazanı jetilistiriwge baǵdarlanǵan ilajlardı ámelge asırıw názerde tutılǵanın atap ótiw kerek.

Qala qurılısı hújjetlerin islep shıǵıw baǵdarlamalarınıń tastıyıqlanıwı qısqa múddette barlıq qalalardı, qalalıq posyolkalar menen awıl aymaqlarınıń bir bólegin qala qurılısı hújjetleri menen támiyinlew imkaniyatın beredi, bul bolsa elatlı punktlerdiń kelbetin jaqsılawǵa unamlı tásir etedi, qósheler menen basqa da aymaqlardı tártipsiz hám ózbasımshalıq penen qurıw jaǵdaylarınıń aldın aladı, yaǵnıy xalıqtıń qolaylı jasaw dárejesin arttırıwǵa kómeklesedi.

Xalıqtıń turmıslıq jaǵdayı ushın qolaylı ortalıq jaratıw, óndiris, sociallıq hám injenerlik-transport infrastrukturası rawajlanǵan abadan elatlı punktlerdi qurıw jańa qala qurılısı siyasatı ámelge asırılıwınıń nátiyjesi bolıwı kerek.