Ózbekstan Respublikası Prezidentiniń
qararı
Aralboyı regionında qolaylı tábiyǵıy ortalıq jaratıw, aymaqtıń biybaha mádeniyatı hám tariyxıy miyrasın qásterlep saqlaw hám keńnen en jaydırıw, bul baǵdarlarda ilimiy-izertlew jumısların, innovaciyalıq joybarlardı hám dóretiwshilik baslamalardı ámelge asırıw ushın xalıqaralıq birge islesiw hám sóylesiwdi bunnan bılay da keńeytiw maqsetinde qarar etemen:
- Birlesken Milletler Shólkeminiń 2023-jıl 22-24-mart kúnleri Nyu York qalasında (AQSh) bolıp ótken suw resurslarına baǵıshlanǵan konferenciyasında Ózbekstan Respublikası tárepinen Aral mádeniyat sammitiniń joybarın ámelge asırıw baslaması alǵa qoyılǵanı maǵlıwmat ushın qabıl etilsin.
- 2025-jıldan baslap hár on segiz ayda – báhár yamasa gúz máwsimlerinde Aral mádeniyat sammiti (keyingi orınlarda – Sammit)n ótkerip barıw jolǵa qoyılsın.
- Birinshi Aral mádeniyat sammitin Samarqand klimat forumı menen sáykes halda 2025-jıl 4-6-aprel kúnleri Samarqand hám Nókis qalalarında joqarı dárejede shólkemlestirilsin.
- Tómendegiler Sammittiń tiykarǵı maqset hám baǵdarları etip belgilensin:
- a) Aralboyında hám dúnyanıń basqa da regionlarında júzege kelgen ekologiyalıq mashqalalardı dodalaw hám aqılǵa uǵras sheshimlerdi usınıw ushın global platforma jaratıw;
- b) Aralboyı mashqalaların sheshiwde pánleraralıq qatnas jasawdı rawajlandırıw;
- v) turaqlı sheshimler hám strategiyalar jaratıwǵa qaratılǵan bilimlendiriw baǵdarlamaları tiykarında Aral mektebin shólkemlestiriw;
- g) zamanagóy texnologiyalar hám dástúriy arxitektorlıq tiykarında «Istiqlol» mádeniyat hám dem alıw baǵı, baǵ aymaǵında jaylasqan balalar kitapxanasın qayta qurıw hám olardan nátiyjeli paydalanıwdı jolǵa qoyıw;
- d) jetkshi jergilikli hám sırt el qánigeleri hám shólkemler menen birgelikte Aralboyı regionında suw hám topıraq izertlewlerin alıp barıw;
- e) Aralboyı aymaǵınıń topıraq hám klimat sharayatına sáykes bolǵan awıl xojalıǵı eginlerin úyreniwge qánigelesken laboratoriya platformasın jaratıw hám onı bul baǵdarda ámelge asırılatuǵın ilimiy izertlewlerdiń oqıw-ámeliyat maydanına aylandırıw;
- j) Aralboyı regionında ásirler dawamında qáliplesken biybaha mádeniyat hám dástúrlerdi saqlaw, qorǵaw hám keńnen en jaydırıw;
- z) xalıqaralıq masshtabta turaqlı sóylesiwler, ámeliyatlar, seminarlar, izertlew baǵdarlamaların shólkemlestiriw.
- Aral mádeniyat sammitine tayarlıq kóriw hám onı ótkeriw boyınsha shólkemlestiriw komiteti (keyingi orınlarda – Shólkemlestiriw komiteti) 1-qosımshadaǵı quramǵa muwapıq dúzilsin.
- Shólkemlestiriw komiteti (A.N. Aripov):
- a) usı qararda belgilengen wazıypalardı óz waqtında hám sapalı ámelge asırıw boyınsha juwapker mámleketlik uyım menen shólkemlerdiń jumısların muwapıqlastırıp barsın;
- b) Sammitke tayarlıq kóriw hám onı ótkeriwde júzege keletuǵın shólkemlestiriw máselelerin tezlik penen sheship barsın;
- v) Sammit sheńberindegi ilajlar ótkeriletuǵın orınlardıń texnika hám telekommunikaciya quralları menen úskeneleniwin támiyinlesin;
- g) Sammit penen baylanıslı ilajlar hám sırt elli miymanlardıń sayaxatın shólkemlestirsin;
- d) Sammit qatnasıwshılarınıń Ózbekstanǵa kelip-ketiwi, olarǵa viza rásmiylestiriliwi, transport hám medicinalıq xızmet kórsetiw máselelerin muwapıqlastırsın;
- e) Sammit sheńberindegi ilajlar ótkeriletuǵın aymaqlarda abadanlastırıw hám kóklemzarlastırıw isleriniń ámelge asırılıwın jáne obektler hám miymanxana fondınıń tayarlıǵın támiyinlesin;
- j) zárúr jaǵdaylarda, Sammitti joqarı dárejede shólkemlestiriw menen baylanıslı operativ qararlar qabıl etsin.
- a) Mádeniyat hám kórkem ónerdi rawajlandırıw qorı (keyingi orınlarda – Qor) Shólkemlestiriw komitetiniń jumısshı uyımı esaplanatuǵını ;
- b) Ministrler Kabineti tárepinen Sammittiń qarjılandırıw derekleri belgilenetuǵını hám qárejetler smetası tastıyıqlanatuǵını belgilensin.
- Aral mádeniyat sammitine tayarlıq kóriw hám onı ótkeriw boyınsha ilajlar rejesi 2-qosımshaǵa muwapıq tastıyıqlansın.
- Ishki isler ministrligi:
- a) Milliy gvardiya menen birgelikte Sammit sheńberindegi ilajlar ótkerilgen aymaqlarda, sonıń ishinde, qatnasıwshılar hám miymanlar jıynalatuǵın orınlarda, miymanxanalarda hám olardıń átirapında jámiyetlik tártipti saqlaw;
- b) Sammitke kelgen delegaciya aǵzalarınıń qáwipsizligin támiyinlew maqsetinde jol háreketi qaǵıydalarına muwapıq joldaslıq etiw ilajların kórsin.
- Ayrıqsha jaǵdaylar ministrligi Sammit sheńberindegi ilajlar ótkeriletuǵın aymaqlardaǵı obektler hám olardıń átirapında ayrıqsha jaǵdaylardıń aldın alıw hám órt qáwipsizligin támiyinlew jumısların shólkemlestirsin.
- Densawlıqtı saqlaw ministrligi Sammit sheńberindegi ilajlar ótkeriletuǵın orınlarda tez medicinalıq járdem brigadaları jumısların shólkemlestiriwdi támiyinlew, sonday-aq, densawlıqtı saqlaw hám sanitariya normaları, qaǵıydaları hám gigiena normativlerine ámel etiliwi boyınsha zárúr ilajlar kórsin.
- Sanlı texnologiyalar ministrligi Qorlardıń múrájatına tiykarlanıp Sammit sheńberindegi ilajlar ótkeriletuǵın konferenciya hám kórgizbe zalları, baspasóz xanaların belgilengen tártipte zárúr texnikalıq qurallar, sinxron awdarma quralları hám internet tarmaǵı menen támiyinlesin.
- Qordıń talapnaması tiykarında tómendegilerge:
- a) “Uzbekistan Airways” AJǵa sırt elli qatnasıwshılar ushın xalıqaralıq hám jergilikli reyslerge aviabiletlerdiń bánt etiliwin támiyinlew;
- b) “Wzbekiston temir ywllari” AJǵa sırt elli qatnasıwshılar ushın qatnawdaǵı poezdlardıń barlıq túrlerine temir jol biletleri qorın jaratıw hám rásmiylestiriw ilajların kóriw usınıs etilsin.
- Sırtqı isler ministrligi Qordıń viza talapnamalarına muwapıq, Sammitte qatnasatuǵın sırt elli qatnasıwshılarǵa Ózbekstan Respublikasına kiriw vizaları konsullıq jıyınları hám haqıyqıy qárejetlerdiń ornın qaplaw esabınan jıyınlardı óndirmesten, zárúr jaǵdaylarda, Tashkent hám Samarqand xalıqaralıq aeroportında rásmiylestiriliwin támiyinlesin.
- Málimleme hám ǵalaba kommunikaciyalar agentligi Qor menen birgelikte ǵalaba xabar quralları wákilleri ushın barlıq zárúr sharayatlarǵa iye bolǵan Sammit baspasóz orayı jumısın nátiyjeli jolǵa qoysın, sonday-aq, ilajdı joqarı dárejede xalıqaralıq kólemde keńnen sáwlelendiriw ushın sırt el ǵalaba xabar quralların tartıw ilajların kórsin.
- Usı qarardıń orınlanıwın nátiyjeli shólkemlestiriwge juwapker etip Mádeniyat hám kórkem ónerdi rawajlandırıw qorınıń baslıǵı G.O. Umerova hám Qaraqalpaqstan Respublikası Ministrler Keńesiniń Baslıǵı F.U. Ermanov belgilensin.
- Usı qaradıń orınlanıwın qadaǵalaw Ózbekstan Respublikasınıń Bas ministri A.N.Aripovqa júklensin.
Ózbekstan Respublikası
Prezidenti Sh.Mirziyoev
Tashkent qalası,
2025-jıl 28-mart