Ózbekstan Respublikası Prezidentiniń Pármanı

Elimizde ilim tarawın rawajlandırıw, xalqımızdıń ilimiy-intellektuallıq potencialın arttırıw baǵdarındaǵı kóp jıllıq jemisli miyneti, atap aytqanda, shıǵıstanıw hám derektanıw baǵdarındaǵı fundamental izertlewleri menen áhmiyetli qollanbalar menen joybarlardı tabıslı ámelge asırıw, bay ilimiy miyrasımızdı úyreniw hám úgit-násiyatlawǵa qosqan úlken úlesi, qábiletli jas ilimpazlardı tayarlaw, náwqıran áwladtı Watanǵa muhabbat hám sadıqlıq ruwxında tárbiyalaw jolındaǵı ibratlı jumısı hám tuwılǵan kúniniń 80 jıllıǵı múnásibeti menen Ózbekstan Respublikası Ilimler akademiyasınıń akademigi Ibrohimov Nematullaǵa “Ózbekstan Respublikasına xızmet kórsetken jaslar ustazı” húrmetli ataǵı berilsin.

Ózbekstan Respublikası Prezidenti
Sh.Mirziyoev