Ózbekstan Respublikası Prezidentiniń pármanı

«Ózbekstan – 2030» strategiyasında hám Oliy Majlis palatalarınıń májilislerinde belgilengen wazıypalardıń orınlanıwın buljıtpay shólkemlestiriw, Birlesken Milletler Shólkeminiń Klimat ózgeriwi haqqında ramkalı konvenciyasınıń Kioto protokolı hám Parij kelisimi sheńberinde elimizdiń global jámiyetshilik aldında turǵan minnetlemelerin orınlawda tarmaqlar menen tarawlardıń úylesikli «jasıl transformaciya»sın ámelge asırıw, olardıń básekige shıdamlılıǵın hám resurs únemliligin támiyinlew, klimat ózgeriwi aqıbetlerin jumsartıw hám oǵan beyimlesiw jáne xalıqtıń jasaw sapasın jaqsılaw hám ekonomikalıq ósiwdiń jańa «jasıl rawajlanıw» modeline ótiw maqsetinde:
1. «Qorshaǵan ortalıqtı qorǵaw hám «jasıl ekonomika» jılında elimiz rawajlanıwınıń baslı baǵdarları etip tómendegiler belgilensin:
máhállelerdiń ekologiyalıq kelbetin jaqsılaw, kóshelerde jasıllıq dárejesin arttırıw, ekologiyalıq jaqtan qolaylı hám abadan jasaw ortalıǵın qáliplestiriw;
xalıqtıń densawlıǵın jaqsılaw, ekologiyalıq turmıs tárizin qáliplestiriw hám insan potencialın júzege shıgarıw ushın sharayatlardı jaratıw;
tábiyǵıy resurslardı únemlew hám olardan aqılǵa uǵras paydalanıw, ekologiyalıq turaqlılıqtı támiyinlew;
ósimlik hám haywanat dúnyasın qorǵaw, kóbeytiw hám keyingi áwladqa jetkeriw hám biologiyalıq hártúrlilikti saqlaw;
«jasıl ekonomika» principlerin keńnen engiziw, ekonomikanı klimat ózgeriwine beyimlestiriwge qaratılǵan joybarlardı turaqlı qarjılandırıw;
respublika energobalansında qayta tiklenetuǵın energiyanıń úlesin arttırıw, sonıń ishinde, mámleketlik-jeke menshik sheriklik tiykarında iri «jasıl energiya» stanciyaların qurıw, aymaqlarda kishi hám mikro gidroelektr stanciyaları tarmaǵın keńeytiw, úylerge quyash panellerin ornatıwdı xoshametlew;
ekonomika tarmaqları hám sociallıq tarawda zamanagóy energiyanı únemleytuǵın texnologiyalardı keńnen qollanıw arqalı ekonomikada «uglerod izi»n azaytıw;
ekologiyalıq turaqlılıqqa qaratılǵan aymaqlar hám tarmaqlararalıq muwapıqlastırıwdı támiyinlew.
Tiykarǵı qatnaslar resurslardan únemlilik penen paydalanıwdı názerde tutatuǵın ekonomikalık rawajlanıw modeline ótiw arqalı 2030-jılǵa shekem jalpı ishki ónimniń jıllıq ósimin keminde 6 procentke hám kólemin 200 milliard AQSh dollarına jetkeriw, inflyaciyanı 5 procentke, byudjet deficitin jalpı ishki ónimge salıstırǵanda 3 procent dárejesinde saqlaw, kámbaǵallıqtı qısqartıw hám xalıqtıń abadanlıǵın arttırıw maqsetlerine erisiwge tiykar bolatuǵını belgilep qoyılsın.
2. 2025-jılı «jasıl ekonomika» principlerin keńnen engiziw, ekonomikanı dekarbonizaciyalaw, klimat ózgeriwi aqıbetlerin jumsartıw hám oǵan beyimlesiwge qaratılǵan joybarlardı turaqlı qarjılandırıw baǵdarında:
Parij kelisiminiń talaplarınan kelip shıǵıp, Ózbekstannıń uglerod neytrallıǵına erisiwdiń uzaq múddetli strategiyası islep shıǵılıwı;
klimat ózgeriwine beyimlesiw, «jasıl texnologiya»lar transfertin esapqa alǵan halda globallıq kólemde elimizdiń kelesi 5 jılda ıssıxana gazlerin qısqartıw boyınsha Milliy kólemde belgilengen úlesi (NDC) járiyalanıwı;
metan emissiyasın qısqartıw minnetlemesi sheńberinde tábiyǵıy gaz, shıǵındılar hám sharwashılıq tarawlarında metan emissiyasınıń bazalıq jaǵdayı anıqlanıwı;
ulıwma quwatlılıǵı 4,5 GVt bolǵan iri quyash hám samal elektr stanciyasın iske túsiriw, quwatlılıǵı 785 megavatt bolǵan quyash panellerin ornatıw, quwatlılıǵı 225 megavatt bolǵan gidroelektrstanciyaların qurıw arqalı jámi qayta tiklenetuǵın energiya derekleriniń úlesi elektr energiyasın islep shıǵıwda 26 procentke hám jámi generaciya quwatlıqları quramındaǵı úlesi 40 procentke jetkeriliwi;
jańa qurılatuǵın imaratlar hám jaylardıń energiya nátiyjeliliginen kelip shıǵıp, «Jası imarat» sertifikatı engiziliwi támiyinlensin.

Usı bánttiń sózsiz, sapalı hám óz waqtında orınlanıwın támiyinlewge juwapker etip tiyisli túrde Bas ministrdiń orınbasarı – ekonomika hám qarjı ministri J.Qwchqorov hám ekologiya, qorshaǵan ortalıqtı qorǵaw hám klimat ózgeriwi ministri A.Abduxakimov belgilensin.
3. Еnergetika ministrligi (J.Mirzamaxmudov) Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri menen birgelikte bir ay múddette:
2025-jılı quyash panelleri hám geliokollektorlardı rayon hám qalalar kesiminde ornatıw baǵdarlamasın;
2025-2026-jıllarda respublika aymaqlarında mikro gidroelektr stanciyaların qurıw baǵdarlamasın Ministrelr Kabinetine kirgizsin.
4. «Únemlilik hám turaqlılıq» principi tiykarında mámleket qatnasıwındaǵı iri kárxanalardı transformaciyalaw hám óndiris qárejetlerin 15-20 procentke qısqartıw maqsetinde 2025-jıldıń juwmaǵına shekem:
iri strategiyalıq kárxanalar tárepinen ekologiyalıq, sociallıq hám korporativ basqarıw (ESG) principleri tiykarında korporativ baǵdarlamalar islep shıǵılıp, keminde 5 iri sanaat kárxanasında ESG milliy esabatı jolǵa qoyılıwı hám jámiyetshilikke járiyalaw ámeliyatı engiziliwi;
«Ózbekneftgaz» AJ, «Nawayı kán-metallurgiya kombinatı» AJ, «Almalıq kán-metallurgiya kombinatı» AJ, «Uzbekistan Airports» AJ, «Uzbekistan Airways» tárepinen ESG reytingi alınıwı;
Samarqand hám Ferǵana wálayatlarında tájiriybe-sınaq tárizinde ekologiyalıq taza ónimlerdi islep shıǵıwǵa qánigelesken sanaat zonaları shólkemlestiriliwi támiyinlensin.
Usı bánttiń sózsiz, sapalı hám óz waqtında orınlanıwın támiyinlewge juwapker etip tiyisli túrde Bas ministrdiń orınbasarları J.Qwchqarov, J.Xojdaev hám ekologiya, qorshaǵan ortalıqtı qorǵaw hám klimat ózgeriwi ministri A.Abduhakimov belgilensin.
5. 2025-jılı máhállelerdiń ekologiyalıq kelbetin jaqsılaw, kóshelerde jasıllıq dárejesin arttırıw, ekologiyalıq jaqtan qolaylı hám abadan turmısta jasaw ortalıǵın qáliplestiriw baǵdarında:
xalıqqa qurılıp atırǵan piyadalar hám óz aldına velosiped jolları boyında terekler hám ósimliklerdi egiw arqalı «Sayalı seyil kósheleri» tarmaǵı jaratılıwı, jaǵalawlarǵa hám dárya boylarına 80 infrastruktura obyekti hám 110 kilometrden artıq sawallandırıw jolları qurılıwı;
jawın hám aqaba suwlardan nátiyjeli paydalanıw, máhállelerdegi tereklerdi zamanagóy suw únemleytuǵın texnologiyalar arqalı suwǵarıw sistemasın engiziw nátiyjesinde kógallandırıw dárejesi arttırılıwı;
«Jasıl mákan» ulıwma milliy joybarı hám «Meniń baǵım» joybarı sheńberinde 200 million túp terek hám náller egiliwi, «jasıl baǵlar» hám «jasıl jámiyetlik parkler»de quyash panelleri járdeminde quwatlandıratuǵın jaqtılandırǵıshlardan paydalanılıwı;
Aral teńizi túbinde 100 mıń gektar «jasıl maydan» jaratılıwı hám Aral boyı aymaǵındaǵı toǵaylar 2,1 million gektarǵa jetkeriliwi;
toǵay menen qaplanǵan maydanlar 4,1 million gektarǵa jetkeriliwi hám qorǵalatuǵın tábiyǵıy aymaqlar 14,5 procentke keńeytiliwi jáne olardıń ekoturizm, nál jetistiriw hám shıpalı shópler jetistiriw baǵdarlarındaǵı paydalanılmay atırǵan rezervlerdi anıqlap, olardıń imkaniyatlarınan tolıq paydalanılıwı hám xalıqtıń dáramatlarınıń arttırılıwı;
Qaraqalpaqstan Respublikası, Buxara, Jizzaq hám Qashqadárya wálayatlarınıń tańlap alınǵan aymaqlarında shorlanıwǵa hám suwsızlıqqa shıdamlı ósimlikler (galofit) baǵlarınıń jaratılıwı;
Qaraqalpaqstan Respublikası, Buxara, Surxandárya, Jizzaq, Ferǵana hám Tashkent wálayatlarında mámleketlik «in-vitro» laboratoriyaları shólkemlestiriliwi, sonday-aq, jeke menshik «in-vitro» laboratoriyaların qurıwǵa isbilermenlik subyektlerine kreditlerdi ajıratıw ushın xalıqaralıq qarjı institutlarınan keminde 30 million dollar muǵdarında qarjılar tartılıwı;
jámiyetshilik, ekobelsendiler hám biznes wákilleriniń tábiyattı qorǵaw boyınsha baslamaların qollap-quwatlaw akseleraciya sisteması engiziliwi támiyinlensin.

«Kámbaǵallıqtan abadanlıqqa qaray» baǵdarlaması sheńberinde 3,5 mıń kámbaǵal shańaraqlardıń perzentlerin tayarlap, joqarı oqıw orınlarına belgilengen tártipte grant tiykarında qabıllaw jumısları shólkemlestirilsin;
g) 2025-jıl 1-martqa shekem durıs awqatlanıw, denetárbiya hám sport penen shuǵıllanıwdıń insan salamatlıǵına paydasın úgit-násiyatlawdı kúsheytiw baǵdarlaması islep shıǵılsın;
g) 2025-jıl 1-avgustqa shekem azıq-awqat qáwipsizligi tarawındaǵı qáwip-qáterlerdi anıqlaw, bahalaw, basqarıw hám monitoring etiw maqsetinde uyımlar aralıq tutas Milliy málimleme platforması islep shıǵılsın.
Usı bánttiń sózsiz, sapalı hám óz waqtında orınlanıwın támiyinlewge juwapker etip tiyisli túrde densawlıqtı saqlaw ministri A.Xudayarov, sport ministri A.Ikramov, kámbaǵallıqtı qısqartıw hám bántlik ministri B.Zaxidov, joqarı bilimlendiriw, ilim hám innovaciyalar ministri K.Sharipov, ekologiya, qorshaǵan ortalıqtı qorǵaw hám klimat ózgeriwi ministri A.Abduxakimov, awıl xojalıǵı ministri I.Abduraxmonov belgilensin.
7. Tómendegiler:
Densawlıqtı saqlaw ministrligi (A.Xudayarov, Е.Adilov) 2025-jıl 1-iyulge shekem medicina hám farmacevtika xızmetkerleriniń jumısın basqıshpa-basqısh mámleketlik dizimnen ótkeriw sistemasın anıq mexanizmlerdi názerde tutqan halda engiziw boyınsha normativlik-huqıqıy hújjet joybarın kirgizsin;
Sanlı texnologiyalar ministrligi (Sh.Shermatov) Densawlıqtı saqlaw ministrligi (A.Xudayarov, Е.Adilov) menen birgelikte 2025-jıl 1-noyabrge shekem medicinalıq qamsızlandırıw mexanizmleri engizilip atırǵan aymaqlarda recept tiykarında beriletuǵın dári quralların «elektron recept» sisteması tiykarında tayınlaw ámeliyatın jolǵa qoysın.
8. Еkologiya, qorshaǵan ortalıqtı qorǵaw hám klimat ózgeriwi ministrligi (A.Abduxakimov) hám Sanlı texnologiyalar ministrligi (Sh.Shermatov) 2025-jıl 1-iyunǵa shekem «Bir million jasıl shańaraq» ulıwma milliy háreketi sheńberinde tómendegilerdi názerde tutatuǵın platformanı iske qossın:
ekologiyalıq principlerdi óziniń kúndelikli turmısına engiziwde joqarı kórsetkishlerge eriskenlerge «Еkobelsendi puqara» statusın beriw hám olar ushın mámleketlik xızmetlerden paydalanıwda 10 procent shegirme 50 procentten joqarı bolǵan banklerde tutınıw kreditin alıwda shegirme beriw;
shańaraqtıń barlıq er jetken aǵzaları «Еkobelsendi puqara» statusın alǵanda, bul shańaraqqa «jasıl shańaraq» statusın beriw hám olarǵa hár jılı ashıq tańlaw arqalı 14 elektromobil beriw;
xalqınıń yarımı «jasıl shańaraq» statusın alǵan máhállelerde «Eń taza máhálle» hám «Eń jasıl máhálle» tańlawların ótkeriw hám jeńimpaz bolǵan máhálleler qorına máhálle xalqınıń usınısların úyrengen halda máhálleniń ishki infrastrukturasın jáne de jaqsılaw ilajların qarjılandırıwǵa, atap aytqanda, jollardı ońlaw, energoúnemlewshi jaqtılandırıw úskenelerin ornatıw, balalar maydanshasın qurıw, «jasıl baǵ» jaratıw hám otırǵıshlar ornatıw, shıǵındı jıynaw maydanshaların qurıw, shıǵındı qutıları hám konteynerlerdi ornatıwǵa 500 million sum ajıratıw.
Usı bánttiń sózsiz, sapalı hám óz waqtında orınlanıwın támiyinlewge juwapkerler etip tiyislisinshe ekologiya, qorshaǵan ortalıqtı qorǵaw hám klimat ózgeriwi ministri A.Abduhakimov, sanlı texnologiyalar ministri Sh.Shermatov, Qaraqalpaqstan Respublikası Ministrler Keńesiniń Baslıǵı, wálayatlar hám Tashkent qalası hákimleri belgilensin.
9. Xalıq, ásirese, jas áwlad wákilleri tárepinen sanitariyalıq-gigienalıq qurallardan paydalanıw imkaniyatların jáne de keńeytiw maqsetinde 2025-jıl 1-maydan baslap tómendegilerdi názerde tutatuǵın «Taza qollar» baǵdarlaması ámelge asırılsın hám xalıqtıń arasında keńnen úgit-násiyatlaw jumısları shólkemlestirilsin:
a) barlıq densawlıqtı saqlaw hám bilimlendiriw mákemelrinde:
qol juwıw orınların zárúr sanitariyalıq-gigienalıq quralları menen támiyinlew;
sanitariyalıq-giieenalıq xanalardıń texnikalıq jaǵdayın jaqsılaw, jańadan qurılıp atırǵan mákemelerde olardı imarattıń ishki bóliminde jaylastırıw;
jıl dawamında birinshi gezekte qol juwıw hám antiseptik qurallardı satıp alıwdı názerde tutıw;

b) barlıq túrdegi jámiyetlik sanitariya-gigiena xanaları, ulıwmalıq awqatlanıw shólkemlerin sanitariyalıq-gigienalıq qurallar menen támiyinlew minnetlemesin kirgiziw.
Еkonomika hám qarjı ministrligi (I.Norqulov) birinshi dárejeli qarjı bólistiriwshilerdiń tiykarlanǵan esap-sanaqlarına bola 2025-jıl dawamında byudjet shólkemlerinde usı bánttegi ilajlar ushın zárúr bolǵan jaǵdaylarda qosımsha qarjılar ajıratsın.
Sanitariyalıq-epidemiologiyalıq tınıshlıq hám jámiyet salamatlıǵı komiteti (B.Yusupaliev) bir ay múddette usı bántte názerde tutılǵan mákemelerde sanitariyalıq-gigienalıq jaǵdaydı saqlaw ushın qurallar ajıratıw boyınsha normativlerdi qayta kórip shıqsın hám olardıń ámelde orınlanıwı ústinen qatań qadaǵalaw ornatsın.
10. Densawlıqtı saqlaw ministrligi (A.Xudayarov), Еkonomika hám qarjı ministrligi (O.Fazilkarimov), Mektepke shekemgi hám mektep bilimlendiriwi ministrligi (U.Umarova) Qurılıs hám turaq jay kommunallıq xojalıǵı ministrligi (Sh.Xidoyatov) menen birgelikte 2025-jıl 1-avgustqa shekem Jáhán densawlıqtı saqlaw shólkemi hám Birlesken Milletler Shólkeminiń xalıqaralıq ekspertlerin tartqan halda respublikanıń barlıq sociallıq taraw mákemelerinde, sonıń ishinde, ulıwmalıq awqatlanıw orınları hám wálayatlararalıq avtomobil jolları boyındaǵı sanitariya-gigiena orınlarınıń sanitariyalıq-gigienalıq sistemasın jaqsılaw boyınsha baǵdarlamanı Ministrler Kabinetine kirgizsin.
11. Azıq-awqat ónimleriniń sapası hám qáwipsizligin qadaǵalaw sistemasın kúsheytiw hám bul baǵdarda sanitariyalıq qaǵıydalardı islep shıǵıp, normalardı joqarı standartlarǵa muwapıqlastırıw maqsetinde:
2025-jıl 1-iyulge shekem Sanitariyalıq-epidemiologiyalıq tınıshlıq hám jámiyet salamatlıǵı komitetiniń laboratoriyaların azıq-awqat ónimleri quramındaǵı transmaylardı anıqlaw ushın zárúr úskeneler menen támiyinlew ilajları kórilsin;
2025-jıl 1-avgustqa shekem azıq-awqat ónimlerin islep shıǵarıwda transmaylardan paydalanıwdıń sheklengen muǵdarların belgilew boyınsha sanitariyalıq qaǵıydalar hám normalar Jáhán sawda shólkeminiń talaplarına muwapıqlastırılıwı támiyinlesin hám olarǵa ámel etiliwi ústinen qatań qadaǵalaw ornatılsın.
Usı bánttiń sózsiz, sapalı hám óz waqtında orınlanıwın támiyinlewge juwapker etip densawlıqtı saqlaw ministri A.Xudayarov belgilensin.
12. 2025-jılı tábiyǵıy resurslardı únemlew hám olardan aqılǵa uǵras paydalanıw, ekologiyalıq turaqlılıqtı támiyinlew baǵdarında:
1 mıń kilometr kanallardı beton qaplama ótkerip, suwdı únemlewshi texnologiyalardıń qamtıp alınıwın 1,6 million gektarǵa jetkeriw esabınan jılına qosımsha 2,5 milliard metr kub suwdı únemlewge erisiliwi;
nasos stanciyalarında eskirgen nasos hám elektrdvigatellerdi zamanagóy energiya únemlewshige almastırıw, suw resurslarınıń esabın jetilistiriw arqalı nasos stanciyalarınıń elektr energiyadan paydalanıwın 300 mln kVtǵa shekem azaytılıwı;
irrigaciya hám melioraciya sistemaları obyektlerin qurıw hám rekonstrukciyalaw arqalı 390 mıń gektar awıl xojalıǵı jer maydanlarınıń suw támiynatı jaqsılanıwı;
jumsalıp atırǵan suwdıń esabı hám esabatı tolıq alıp barılıwın támiyinlew maqsetinde magistral kanallar hám áhmiyetli suw obyektlerinde suwdıń birden-bir onlayn esabın alıp barıw sistemasınıń engiziliwi;
1,8 mıń kilometr ishimlik hám aqaba suw tarmaqları, 77 ishiklik hám aqaba suw imaratlarınıń qurılıwı hám rekonstrukciyalanıwı;
ishimlik suw sistemasınıń ayırım eskirgen 746 nasos úskeneleri energiya únemlegishine almastırılıwı, aymaqlarda 65,2 megavatt quwatlılıqqa iye quyash panelleriniń ornatılıwı, suw imaratları hám magistral suw tarmaqlarına 955 zamanagóy suw esaplaǵıshlar ornatılıwı;
barlıq ishimlik suw támiynatı kárxanalarında sapa monitoringin júrgiziw hám maǵlıwmatlardı basqarıw oraylarınıń jaratılıwı;
dáryalar, kóller hám kanallarǵa hár qıylı pataslandırıwshı elementler taslanıwı ústinen qadaǵalaw kúsheytiliwi támiyinlensin.

Usı bánttiń sózsiz, sapalı hám óz waqtında orınlanıwın támiyinlewge juwapkerler etip tiyislisinshe suw xojalıǵı ministri Sh.Hamraev, qurılıs hám turaq jay kommunallıq xojalıǵı ministri Sh.Xidoyatov, energetika ministri J.Mirzamaxmudov, ekologiya, qorshaǵan ortalıqtı qorǵaw hám klimat ózgeriwi ministri A.Abduhakimov belgilensin.
13. Keń jámiyetshilik, xalıqaralıq hám jergilikli ekobelsendiler, Ózbekstan ekologiyalıq partiyası hám Еkologiya, qorshaǵan ortalıqtı qorǵaw hám klimat ózgeriwi ministrliginiń usınısın inabatqa alǵan halda:
a) 2025-jıl 1-maydan baslap Tashkent hám Nókis qalaları hám wálayat oraylarında tómendegi baǵdarlarda jańa joybarlardı ámelge asırıw qadaǵan etilsin:
asbest, cement islep shıǵarıw, shlam hám shlaklar;
teri-iylew, qusshılıq fabrikaları;
nátiyjeliligi joqarı bolǵan shań-gaz tazalaw obyektleri menen úskenelenbegen hár qanday túrdegi kómir jaǵıw;
qara hám reńli metallurgiya zavodları, quramında záhárli aralaspalar bolǵan ayna, záhárli ximiyalıq elementler menen islesiw;
qáwiplilik dárejesiniń I hám II klasına tiyisli shıǵındılardı qayta islew hám jaǵıw kárxanaları;
b) 2025-jıldıń aqırına shekem tómendegi wazıypalardıń orınlanıwın támiyinlewge barlıq kúsh hám resurslar qaratılsın:
xalıqtı sapalı, ekologiyalıq taza hám arzan janılǵı menen támiyinlegen halda AI-80 markalı avtomobil janılǵısınan paydalanıw hám satıwdı sheklew;
respublikanıń barlıq aymaqlarında jaylasqan ıssılıq hám elektr energiyası islep shıǵarıw kárxanalarına janılǵı sıpatında mazuttan paydalanıwdı tolıq qadaǵan etiw, avariyalıq janılǵı sıpatında Еkologiya, qorshaǵan ortalıqtı qorǵaw hám klimat ózgeriwi ministrligin xabardar etip, Ministrler Kabineti menen kelisken halda paydalanıw jaǵdayları buǵan kirmeydi;
v) 2025-jıl 1-noyabrge shekem Еkologiya, qorshaǵan ortalıqtı qorǵaw hám klimat ózgeriwi ministrligi tárepinen plastikalıq shıǵındılardı qısqartıw boyınsha tómendegi xalıqaralıq tán alınǵan mexanizmlerdi názerde tutıwshı nızam joybarı islep shıǵılsın:
platiskalıq shıǵındılardı qabıl etiwshi arnawlı orınlar hám úskenelerdi ornatıw arqalı jıynap alıw hám utilizaciyalaw yamasa utilizaciya jıyımın tólew;
plastikalıq oraw ushın ıdıslar hám plastikalıq oraw ushın ıdıslarda ónim islep shıǵarıwshı hám import etiwshilerge «taralardı qaytarıw», puqaralarǵa shıǵındılardı qabıl etiwshi arnawlı úskenelerge tapsırılǵan hár bir plastikalıq ıdıs ushın tólem etiw imkaniyatın jaratıw sıyaqlı minnetlemeler engiziw.
Еkologiya, qorshaǵan ortalıqtı qorǵaw hám klimat ózgeriwi ministrligi (A.Abduhakimov) Еkonomika hám qarjı ministrligi (I.Norqulov), Еnergetika ministrligi (J.Mirzamahmudov), Investiciyalar, sanaat hám sawda ministrligi (L.Qudratov) hám jergilikli hákimlikler menen birgelikte 2025-jıl 1-oktyabrge shekem usı bánttiń «a» kishi bántinde kórsetilgen hám energiya jumsalıwı joqarı bolǵan baǵdarlardaǵı bar quwatlıqlardı modernizaciyalaǵan halda Tashkent hám Nókis qalaları sonday-aq, wálayat oraylarınan basqıshpa-basqısh kóshiriw boyınsha tiykarlanǵan usınıslardı Ministrler Kabinetine kirgizsin.
14. Óndiris, xızmet kórsetiw hám qala qurılısı jumısınıń ekologiyaǵa unamsız tásirin ilim hám zamanagóy texnologiyalardı qollanǵan halda jılawlaw maqsetinde:
2025-jıl 1-avgusttan baslap texnikalıq jaqtan tártipke salıw hújjetleri bolǵan ekologiyalıq normalar hám qaǵıydalardı qabıllaw tártibi ornatılsın;
2025-jıl 1-oktyabrden baslap energetika, qurılıs materialların islep shıǵarıw tarawları hám ximiya sanaatında ekologiyalıq normativlerdi individual belgilew usılınıń ornına tarmaq usılın qollanıw ámeliyatı jolǵa qoyılsın;
2026-jıl 1-yanvardan baslap respublikalıq atqarıw hákimiyatı uyımları hám mámleketlik úlesi 50 procentten joqarı bolǵan kárxanalar tárepinen óz jumısında Turaqlı rawajlanıw boyınsha xalıqaralıq keńestiń turaqlı rawajlanıw haqqındaǵı maǵlıwmatlardı járiyalaw standartların engiziw (ISSB) ámeliyatı jolǵa qoyılsın.

2025-jılǵa mólsherlengen maqsetli kórsetkishler;
2025-jılı qorshaǵan ortalıqtı qorǵaw baǵdarında ministrlik hám uyımlar tárepinen birinshi gezekte ámelge asırılıwı kerek bolǵan ilajlar rejesi;
2025-jılı qorshaǵan ortalıqtı qorǵaw boyınsha xalıqaralıq birge islesiw baǵdarındaǵı ilajlardı ámelge asırıw rejesi;
Ózbekstan Respublikasında “Jasıl turizm” baǵdarlamasın ámelge asırıw ilajları rejesi;
2025-jılı aymaqlarda qayta tiklenetuǵın energiya derekleri quwatlıqların engiziw rejesi;
2025-jılı báhár-gúz máwsimlerinde “Jasıl mákan” ulıwmamilliy joybarı sheńberinde máhállelerde tereklerdi egiw boyınsha reje;
2025-jılı báhár máwsiminde máhállelerde turaq jaylar hám ishki kóshelerge gúl hám qálemshelerdi egiw boyınsha reje.
32. Bas prokuratura (Sh.Aminov) kishi quwatlıqtaǵı qayta tikleniwshi energiya derekleri qurılmaların ornatıw rejesiniń orınlanıwın támiyinlew, sonday-aq, quyash panelleri hám geliokollektorlar ornatılıwında nızamshılıq talaplarına sózsiz ámel etiliwi ústinen qadaǵalawdı ámelge asırıp barsın.
33. Mámleketlik baǵdarlamanı sózsiz, sapalı hám tolıq ámelge asırıw barlıq dárejedegi mámleketlik uyımlar hám shólkemlerdiń birinshi gezektegi áhmiyetli wazıypası bolıp esaplanatuǵını;
mámleketlik uyımlar hám shólkemlerdiń basshıları Mámleketlik baǵdarlamada hár sherek kesiminde tiyisli baǵdar hám aymaq boyınsha belgilengen maqsetli kórsetkishlerge erisiw, názerde tutılǵan ilajlardı nátiyjeli ámelge asırıw hám zárúr normativlik-huqıqıy hújjetler joybarların óz waqtında hám puqta islep shıǵıw ushın jeke juwapker bolatuǵını belgilensin.
34. Tómendegiler:
Ádillik ministrligi Esap palatası menen birgelikte Mámleketlik baǵdarlama sheńberinde baǵdarlar boyınsha ámeliy ilajlar rejeleriniń orınlanıwı, maqsetlik kórsetkishlerge erisiliwin hám tiyisli normativlik-huqıqıy hújjetler joybarları islep shıǵılıwın sistemalı monitoring etip barsın;
“Rawajlanıw strategiyası” orayı hám “Yuksalish” háreketi Mámleketlik baǵdarlamanıń ámelge asırılıwın, sonıń menen birge, orınlarǵa barıp, jámiyetshiliktiń pikirin inabatqa alǵan halda sın kózqarastan úyrenip barsın hám nátiyjeleri boyınsha hár ayda Ózbekstan Respublikası Prezidenti Administraciyasına málimleme kirgizip barsın;
Mámleketlik hákimiyat uyımları, ministrlik hám uyımlar, jergilikli atqarıw hákimiyatı uyımları “Rawajlanıw strategiyası” orayı hám “Yuksalish” háreketiniń usı bánttiń orınlanıwı boyınsha jumısına hár tárepleme járdemlesip barsın.
35. Ministrler Kabineti:
bir hápte múddette usı Párman hám onıń menen tastıyıqlanǵan Mámleketlik baǵdarlamanıń orınlanıwın ámelge asırıwǵa qaratılǵan ilajlardı qabıl etsin;
hár aydıń juwmaǵı boyınsha Mámleketlik baǵdarlamanıń orınlanıwı boyınsha maǵlıwmatlardı ulıwmalastırıp, Ózbekstan Respublikası Prezidenti Administraciyasına kirgizip barsın;
hár sherektiń juwmaǵı boyınsha Mámleketlik baǵdarlamada júklengen wazıypalardıń óz waqtında, tolıq hám sapalı orınlanıwın Ministrler Kabinetiniń Prezidiumı májilisinde dodalap barsın;
hár yarım jılda Mámleketlik baǵdarlamanıń orınlanıwı boyınsha esaplardı Oliy Majlis Nızamshılıq palatasınan kirgizip barsın.
36. Málimleme hám ǵalaba kommunikaciyalar agentligi (A.Xodjaev), Ózbekstan Milliy teleradiokompaniyası (A.Djurabaev) hám Ózbekstan Milliy málimleme agentligi (A.Kwchimov) hám basqa da ǵalaba xabar quralları menen birgelikte turaqlı túrde:
Mámleketlik baǵdarlamanı ámelge asırıwdıń nátiyjeleri, «jasıl ekonomika»ǵa ótiwdegi jetiskenliklerdi sáwlelendiretuǵın analitikalıq materiallardıń ǵalaba xabar qurallarında, sonıń ishinde, Internet tarmaǵında hám sociallıq tarmaqlarda keńnen sholıp barılıwın jáne onıń mazmun-mánisi jámiyetshilikke túsindiriliwin;
Mámleketlik baǵdarlama sheńberinde ámelge asırılıp atırǵan barlıq ilajlardıń barısı jáne nátiyjeleri haqqındaǵı qalıs hám tolıq maǵlıwmatlar xalıqqa operativ túrde jetkeriliwin támiyinlesin.
37. Usı pármannıń orınlanıwın nátiyjeli shólkemlestiriwge juwapker hám jeke juwapker etip ministrlik hám uyımlardıń basshıları, Qaraqalpaqstan Respublikası Ministrler Keńesiniń Baslıǵı, wálayatlar hám Tashkent qalası hákimleri belgilensin.

Pármannıń orınlanıwın turaqlı túrde dodalap barıw, orınlaw ushın juwapker shólkemlerdiń jumısın muwapıqlastırıw hám qadaǵalaw «Ózbekstan – 2030» strategiyasın ámelge asırıw boyınsha Respublikalıq komissiyaǵa júklensin.
Ámelge asırılıp atırǵan ilajlar haqqında hár sherekte Ózbekstan Respublikası Prezidentine málimleme kirgizip barılsın.

Ózbekstan Respublikası
Prezidenti Sh.MIRZIYoEV
Tashkent qalası,
2025-jıl 7-fevral