“Pille jetistiriw tarawın jańa sistema tiykarında rawajlandırıw hám ot-jem bazasın bekkemlewge baylanıslı qosımsha ilajlar haqqında”ǵı Prezident qararı qabıl etildi.
Qararǵa bola, 2026-jıl 1-aprelden pille jetistiriwshilerge (pillekesh hám jumıstı úyge alıp islewshilerge) “máhálle jetiligi”niń kollegiallıq qarar tiykarında pilleshilik klasteri haqıyqatında pille ushın tólegen qarjılardıń 35 procenti muǵdarında subsidiya ajıratıladı.
Toǵay hám jasıl aymaqlardı kóbeytiw, shólleniwge qarsı gúresiw agentligi balansındaǵı jer maydanlarında shólkemlestiriletuǵın tut atızlarında pille kooperativin dúziw maqsetleri ushın usı kooperativ aǵzası esaplanatuǵın kámbaǵal shańaraqlarǵa (1 shańaraqtıń 1 aǵzasına tek ǵana 1 márte) 4 million sumnan subsidiya ajıratıladı.
Jipek qurtın baǵıwda zárúr bolatuǵın ásbap-úskenelerdi satıp alıw ushın jumıstı úyge alıp islewshilerge 3 jıl múddetke BEMniń 50 esesine shekemgi muǵdarda procentsiz ssuda beriledi.
Tuqımgershilik kárxanalarına jipek qurtı tuqımların tayarlaw jumısına tartılatuǵın hár bir máwsimlik jumısshı aylıq miynet haqısınıń 50 procenti, biraq miynetke haqı tólewdiń eń az muǵdarınıń 2 esesinen aspaǵan bólegi kompensaciya etip beriledi.
ÓzA