Nókis qalasında Qaraqalpaqstan Respublikası Kámbaǵallıqtı qısqartıw hám bántlik ministrligi tárepinen Ózbekstan Respublikası Ministrler Kabinetiniń 2025-jıl 24-dekabrdegi “Miynetti qorǵaw tarawına baylanıslı ayırım rejelerdi tastıyıqlaw haqqında”ǵı 819-sanlı qararın keń jámiyetshilikke túsindiriwge baǵıshlanǵan seminar bolıp ótti.
Onda Qaraqalpaqstan Respublikası Prokuraturasınıń bólim prokurorı N.Yuldashev, Mámleketlik miynet inspekciyasınıń juwapker xızmetkerleri hám respublika boyınsha miynetti qorǵaw tarawında jumıs alıp barıp atırǵan qánigeler qatnastı.
Seminar dawamında qatnasıwshılarǵa 819-sanlı qarar hám usı hújjet tiykarında tastıyıqlanǵan rejeler, miynetti qorǵaw tarawındaǵı jańa talaplar hám olardı ámeliyatta qollanıw tártibi boyınsha tolıq maǵlıwmatlar berildi.
Sonday-aq, miynet procesinde qáwipsizlikti támiyinlew, jumıs beriwshiler hám xızmetkerlerdiń bul baǵdardaǵı minnetlemeleri hám óndiriste baxıtsız hádiyselerdiń aldın alıw boyınsha túsinikler berildi.
Ilaj sońında qatnasıwshılar ózlerin qızıqtırǵan sorawlarǵa qánigeler tárepinen juwap aldı.

Qaraqalpaqstan xabar agentligi