Nókis qalasında sporttıń voleybol túrinen U-17 jastaǵı qızlar arasında Qaraqalpaqstan chempionatı bolıp ótti.
CHempionatqa respublikamızdıń barlıq qala hám rayonlarınan komandalar qatnasıp, jeńimpazlıq ushın óz-ara bellesti.
Oǵada qızıqlı hám keskin ótken bellesiwler juwmaǵında, Qaraózek rayonı komandası birinshi orındı iyelep, Qaraqalpaqstan chempionı ataǵına miyasar boldı.
Al, ekinshi hám úshinshi orınlardı Moynaq penen Taxtakópir rayonınan kelgen voleybolshılar jeńip alıwǵa eristi.
Ótkerilgen chempionat sońında jeńimpaz komandalar shólkemlestiriwshiler tárepinen tayarlanǵan arnawlı Diplom menen sıylıqlandı.

Adilbay Orazov,
Qaraqalpaqstan xabar agentligi sholıwshısı