Ayaq kiyim islep shıǵarıwda moda hám dizayn tez ózgerip atır. Kárxanalarımız házirden baslap zaman talabına sáykes túrde islemese, tek ǵana sırtqı emes, al ishki bazarda da básekilese almaytuǵını atap ótildi.
Biraq “Wzcharmsanoat” associaciyasınıń basshıları tarawǵa jańalıq alıp kirmegeni, tómenge túsip islemegeni sınǵa alındı.
Ayaq kiyim islep shıǵaratuǵın 972 kárxanadan 378 i jumısın toqtatqan bolsa, jáne 120 sı quwatlılıǵınıń yarımınan da paydalanbay atır. Qálip, baw, furnitura boyınsha ele importqa baylanıslılıq bar.
Aqıbetinde ótken jılı eksport boyınsha wáde etilgen 250 million dollardıń 40 procenti de támiyinlenbegen. Associaciyanıń bıyılǵı óndiris hám eksport rejesiniń de qanaatlandırarsız ekeni kórsetip ótildi.
Usı múnásibet penen “Wzcharmsanoat” associaciyasınıń baslıǵı A.Sultonovtı lawazımınan bosatıwǵa kórsetpe berildi.

ÓzA