Islamabad qalasında bolıp ótip atırǵan Ózbekstan – Pakistan biznes forumı sheńberinde Ózbekstan Respublikası Prezidenti Shavkat Mirziyoev “HRL Group” kompaniyasınıń baslıǵı Zohid Rafiq penen ushırastı.
Kompaniyalar toparı qurılıs, taw-kán sanaatı hám energetika tarawlarında jumıs alıp barıwshı eń iri kárxanalar qatarına kiredi.
Ózbekstan tájiriybesin qollanǵan halda Pakistandaǵı mıs, altın hám oǵada áhmiyetli minerallar kánlerinde birgelikte geologiyalıq-izlew jumısların alıp barıw perspektivaları dodalandı.
Mámleketimiz jetekshisi kompaniya basshısınıń Pakistan paytaxtında Imam Buxariy kompleksi hám Samarqandta miymanxana qurıw baslamaların qollap-quwatladı.

ÓzA