Taw-kán hám geologiya sanaatı elimiz ekonomikasınıń áhmiyetli tarmaqlarınan biri bolıp, bul baǵdar mámlekettiń mineral resurslarınan nátiyjeli paydalanıw hám investiciyalıq imkaniyatlardı keńeytiwde úlken áhmiyetke iye. Tarawdaǵı jańa joybarlar hám xalıqaralıq birge islesiw tarawdıń rawajlanıwı hám ekonomikalıq ósiwdi támiyinleydi.
Taw-kán sanaatı hám geologiya ministrliginde “Watchmen Energy FE” kompaniyasınıń atqarıwshı direktorı doktor Jeyms Syao hám “Watchman Group” kompaniyası delegaciyası wákilleri arasında ótkerilgen ushırasıwda bul haqqında sóz boldı.
Atap ótilgenindey, mámleketimizde bul tarawdı rawajlandırıwda investorlar ushın jaratılıp atırǵan sharayatlar hám perspektivalı joybarlardaǵı birge islesiw áhmiyetli esaplanadı. Sonnan kelip shıǵıp, tárepler Ózbekstandaǵı taw-kán sanaatı hám geologiya tarawınıń rawajlanıwındaǵı tiykarǵı baǵdarlar hám nátiyjeli birge islesiw mexanizmlerin dodaladı.
Ministrlik málimleme xızmetiniń xabarına bola, Qıtaydıń “Watchman Group Pte. Ltd.” kompaniyasınıń jumısı basqarıw másláhátlesiwi hám energetika tarawındaǵı joybarlarǵa qaratılǵan. Bul kárxananıń Ózbekstan menen birge islesiwi mámlekettegi taw-kán hám geologiya tarawın rawajlandırıwda xalıqaralıq tájiriybe hám investiciyalıq resurslardı tartıw imkaniyatın beredi.
Ilaj juwmaǵında ministrlik hám “Watchman Group” arasında birge islesiw memorandumına qol qoyıldı. Bul hújjet eki tárep arasındaǵı qatnasıqlardı bekkemleydi hám keleshektegi investiciyalıq hám ilimiy joybarlar ushın tiykar jaratadı.

N.Ziyodullaeva, ÓzA