Jaslardıń bos waqıtların mazmunlı ótkeriw hám olar arasında kitapqumarlıqtı úgit-násiyatlaw maqsetinde, «Bes baslama olimpiadası» sheńberinde «Jas kitapqumar» tańlawınıń Kegeyli rayonlıq basqıshı bolıp ótti.
Tańlaw úsh jas kategoriyası boyınsha ótkerilip, oǵan tańlawdıń mektepler hám máhálleler basqıshında jeńimpaz bolǵan kitapqumarlar qatnastı.
Qızıqlı ótken tańlaw juwmaǵında 10-14 hám 15-19 jas kategoriyaları boyınsha birinshi orındı 55-sanlı mektep oqıwshıları Tumaris Mırzamuratova menen Gúldana Orınbaevalar, 20-30 jas kategoriyasında Jalpaq jap awıl puqaralar jıyını turǵını Orazbek Qarlıbaev jeńimpaz boldı.
Ótkerilgen ilaj juwmaǵında jeńimpaz dep tabılǵan qatnasıwshılar shólkemlestiriwshiler tárepinen arnawlı diplom menen sıylıqlanıp, tańlawdıń Qaraqalpaqstan Respublikalıq basqıshına jollamanı qolǵa kirgizdi.

Adilbay Orazov,
Qaraqalpaqstan xabar agentligi sholıwshısı