Mámleketimiz basshısınıń 2025-jıl 19-sentyabrdegi “Ózbekstan Respublikasında xalıq hám awıl xojalıǵın dizimge alıw ilajın ótkeriw haqqında”ǵı Pármanınıń orınlanıwı sheńberinde respublika aymaqlarında tiyisli ilajlar izbe-iz ámelge asırılmaqta.
Sonıń ishinde, Ózbekstan Respublikası Milliy gvardiyası jumısshı toparına biriktirilgen aymaqlarda dizimge alıw processlerin belgilengen tártip tiykarında shólkemlestiriwge ámeliy járdem kórsetilmekte. Házirgi waqıtta respublikamızdıń Taqıyatas rayonında usı ilajdı nátiyjeli ótkeriwge qaratılǵan jumıslar alıp barılmaqta.
Pármannıń orınlanıwı sheńberinde Milliy gvardiya komandiriniń orınbasarı S.Mamayusupov qatnasıwındaǵı jumısshı topar tárepinen Taqıyatas rayonında shólkemlestirilgen dizimge alıw shtabınıń jumısı menen tanıstı.
Sonday-aq, sapar dawamında rayondaǵı shólkem, kárxana hám mákemeler shtablarında xızmetkerlerdi «census.stat.uz» platforması arqalı dizimnen ótkeriw jumısların sapalı shólkemlestiriw boyınsha ámeliy járdem kórsetildi.
Xalıqtı hám awıl xojalıǵın dizimge alıw ilajı mámleketimizde sociallıq-demografiyalıq jaǵdaydı, miynet resursların hám awıl xojalıǵı potencialın anıq esapqa alıw, sonday-aq, keleshekte mámleketlik baǵdarlamalar hám strategiyalıq rejelerdi islep shıǵıwda áhmiyetli derek bolıp xızmet etedi.
Bizge belgili, dizimge alıwdıń birinshi basqıshı 15-yanvardan 31-yanvarǵa shekem OneID sisteması arqalı onlayn tárizde ámelge asırılmaqta. Ekinshi basqısh bolsa 4-fevraldan 28-fevralǵa shekem máhálle jetiligi aǵzaları tárepinen úyme-úy júriw hám planshetler arqalı maǵlıwmatlardı kirgiziw jolı menen juwmaqlanadı.

Qaraqalpaqstan xabar agentligi