Tashkent qalasında boks boyınsha jas óspirim hám jaslar arasında Ózbekstan chempionatı bolıp ótti.
Onda respublikamızdıń jas boksshileri de tabıslı qatnasıp, bir neshe medallardı qolǵa kirgiziwge miyasar boldı.
Atap aytqanda, jas óspirimler arasında Nilufarxan Farruxova óz salmaq kategoriyasında barlıq qarsılasların jeńip shıǵıp, Ózbekstan chempionı ataǵın qolǵa kirgizgen bolsa, jaslar arasında Ajar Nuratdinova hám Ulbosın Djoldasbaevalar sıylı orındı iyelewge eristi.
Al, Gúlnaz Batırbaeva, Gúlchehra Qoldasbaeva, Aydana Qalbaeva hám Aqmaral Sultanǵalievalarǵa qola medalı nesip etti.
Jeńimpaz qızlarımızdı bul jarısqa Qarabek Genjemuratov, Maqset Jumabaev, Mir Bekbawliev hám Azamat Matkarimovlar tayarladı.

Adilbay Orazov,
Qaraqalpaqstan xabar agentligi sholıwshısı