Paytaxtımızdaǵı Jaslar dóretiwshilik sarayında “Xalıqaralıq jıl studenti” sıylıǵın tapsırıw máresimi bolıp ótti.

Bul sıylıq dúnyanıń jetekshi universitetlerinde bilim alıp atırǵan ózbekstanlı studentlerdiń akademiyalıq, sociallıq hám professionallıq jetiskenliklerin tán alıwǵa qaratılǵan bolıp, Ózbekstan Xalıqaralıq studentler awqamı tárepinen Jaslar isleri agentligi hám “El-yurt umidi” qorınıń járdeminde shólkemlestirildi.
Sıylıqlar “Jıl studenti”, “Jámiyet hám diaspora rawajlanıwına qosqan úlesi”, “Ózbekstandı xalıqaralıq maydanda múnásip kórsetiw” hám “Jıl innovaciyası” nominaciyaları boyınsha tapsırıldı.
Ilajda atap ótilgenindey, bul baslama sırt elde bilim alıp atırǵan jaslarımızdı qollap-quwatlaw hám olardıń mámleket rawajlanıwındaǵı qatnasın kúsheytiwge xızmet etedi.

Gulnoza Boboeva, Asliddin Alijonov (foto), ÓzA