Venesuela Prezidenti Nikolas Maduroniń hákimiyattan shetletiliwi járiyalanıwı aldınan boljaw bazarında esap-sansız aqsha aylanǵanı gúmanlarǵa sebep boldı. Bul haqqında VVS xabar bergen.
Maqalada gáp AQShtıń jasırın ámeliyatı aldınnan málim bolǵanı haqqında barıp atırǵanı atap ótilgen. Basılımnıń jazıwınsha, kriptoǵa tiykarlanǵan “Polymarket” platformasında bir atı belgisiz paydalanıwshı Maduronıń yanvar aqırına shekem hákimiyattan ketiwine pul tigip, 32 000 dollar ornına derlik 436 000 dollar payda tapqan. Gúmanlı tárepi, bul “akkaunt” platformaǵa jaqında qosılǵan hám tek ǵana Venesuela menen baylanıslı girewge qosılǵan.
Maǵlıwmatlarǵa qaraǵanda, 2-yanvar kúni 6,5 procentke bahalanǵan Maduronıń qulawı itimalı bir neshe saat ishinde keskin artqan. Bunday ósiw Donald Tramp qolǵa alıw procesi haqqında xabar beriwden biraz aldın baqlanǵan.
“Kúshli boljawdı” kim aytqanı belgisiz. Qánigeler házirgi jaǵdayda ishki málimlemeden paydalanılǵanın biykarlamay atır. Jáne bir neshe paydalanıwshı da úlken dáramat alǵanı atap ótilgen.
Bul waqıya AQSh nızamshılarınıń itibarın tarttı. Kongresste jasırın maǵlıwmatqa iye mámleketlik xızmetkerler boljaw bazarına pul tikkenin qadaǵan etiw baslaması alǵa qoyıldı.
Ulıwma, sońǵı jılları bul túrdegi biznes AQShta tez ǵalaba en jayǵan. Fond bazarınan parıqlı ráwishte, bul taraw ele qatań tártipke salınbaǵan.
Musulmon Ziyo, ÓzA