Qılıshlasıw sportı boyınsha Ózbekstan saylandı komandası 2026-jıldıń 8-yanvarınan baslap xalıqaralıq arenalardaǵı óziniń dáslepki jarısına qatnasadı.

Atap aytqanda, shpagashılarımız 8-11-yanvar kúnleri Birlesken Arab Ámirliklerinde ótkeriletuǵın jáhán kubogi, sablyashılarımız Tuniste bolatuǵın Gran-Pri hám rapirashılarımız Franciyada bolıp ótetuǵın jáhán kubogi basqıshı jarıslarında jeńimpazlıq ushın bellesiwlerge túsedi. Sport jankúyerleri ushın áhmiyetli tárepi sonda, Ózbekstan saylandı komandası quramında qaraqalpaqstanlı shpagashılarımızdan Dilnaz Murzataeva, sablyashılardan Islam Abdazov, Musa Aymuratov, Alpamıs Oraqbaev, Zaynab Dayıbekova, Gúlistan Perdebaeva hám Nargiza Jaqsıbaevalar orın alǵan.
Komandamız aǵzaları bul jarıslarǵa qatnasıw ushın 7-yanvar kúni Tashkent qalasınan jónep ketedi.

Qaraqalpaqstan xabar agentligi