Ózbekstannıń Birinshi xanımı, “Zamin” fondı Qáwenderlik keńesiniń baslıǵı Ziroat Mirziyoeva inklyuziv qayırqomlıq festivalınıń Jańa jıl ilajlarında qatnastı.

Festival sheńberinde Xalıqaralıq inklyuziv xab studentleriniń haqıyqıy turmıslıq gúrrińleri tiykarında saxnalastırılǵan “Jaqtılıq hawazları” atamasındaǵı saxnalıq shıǵarma kórsetildi. Spektakl djaz atqarıwları menen úylesip, miymanlarda úlken tásir qaldırdı. Sonday-aq, “Jekelesiwde” atamasındaǵı immersiv kórgizbe qatnasıwshılarına tınıshlıq hám ishki keshirmeler álemine kiriw imkaniyatın berdi.
Ilaj dawamında “Mehirli mektep” joybarı pedagogları tárepinen Jańa jıl oyınshıqları, qutlıqlaw qaǵazları hám bilezikler tayarlaw boyınsha sheberlik sabaqları shólkemlestirildi. Bul shınıǵıwlar dóretiwshilik kónlikpelerdi rawajlandırıw hám óz-ara qollap-quwatlaw ortalıǵın bekkemlewge xızmet etti.
“Mehirli pochta” maydanshasına kelgen Birinshi xanım uzaq waqıt emlenip atırǵan balalarǵa shın júrekten hám jıllı tileklerin jazıp qaldırdı.

ÓzA