Akkreditaciya, metrologiya hám standartlastırıw tarawlarındaǵı reformalar nátiyjesinde Ózbekstan “Global sapa infrastrukturası” indeksinde sońǵı eki jılda 15 tekshe joqarılap, 52-orınǵa kóterildi.

– Bul álbette jaqsı! Sonıń menen birge, ónimlerimizdiń básekige shıdamlılıǵın jáne de arttırıw ushın texnikalıq tártipke salıw tarawın jańa basqıshqa alıp shıǵamız. Bunıń ushın “Mámleketlik qadaǵalaw” sistemasınan xalıqaralıq tájiriybede joqarı nátiyje bergen “Bazar qadaǵalawı” sistemasına ótemiz, – dedi Prezidentimiz.
Innovaciya tiykarında joqarı texnologiyalıq ónim islep shıǵarıp atırǵan kárxanalar qollap-quwatlanadı. Kárxana qánigeleriniń ilimiy-izertlew hám konstruktorlıq qollanbalardan alǵan dáramatı salıqtan azat etiledi.
Mine, usınday reformalar arqalı kelesi bes jılda sanaatta miynet ónimdarlıǵı 30 mıń dollarǵa jetkeriledi, 1 mıń dollarlıq qosımsha qun jaratıwǵa ketetuǵın energiya jumsalıwı 1,5 esege azaytıladı.

ÓzA