Bul zonalardaǵı kárxanalar xalıqaralıq texnikalıq reglamentler, ekologiyalıq hám miynet standartların qollanıwı múmkin boladı.

Olar ushın arnawlı investiciyalıq, salıq, bajıxana hám huqıqıy rejim engiziledi hám xalıqaralıq huqıq sheńberinde arbitraj kelispewshiliklerin kórip shıǵıw imkaniyatı jaratıladı.
Prezidentimizdiń atap ótkenindey, bulardıń barlıǵı kelesi bes jılda 180 milliard dollarlıq sırt el investiciyası esabınan 1 million joqarı dáramatlı jumıs orınların jaratıwǵa xızmet etedi.
Hár bir kelisimdi joybarǵa aylandırıw, investiciyalardı qısqa múddetlerde tartıw hám olardıń nátiyjeliligine juwapker, tek ǵana investiciya menen isleytuǵın ayrıqsha jańa sistema jaratılatuǵını belgilendi. Bunnan tısqarı, jergilikli sanaat hám kooperaciyanı rawajlandırıw boyınsha da tap usınday óz aldına sistemanı jolǵa qoyıw maqsetke muwapıq ekeni atap ótildi.
– Ulıwma, ekonomikanı básekige shıdamlı etiw, investiciyalardıń nátiyjeliligin arttırıw, sanaat tarmaqların texnologiyalıq transformaciyalaw pútkilley jańa qatnaslardı talap etpekte. Onıń ushın Ekonomika hám qarjı, Investiciyalar, sanaat hám sawda ministrlikleriniń jumısı túp-tiykarınan qayta kórip shıǵıladı, – dedi Prezident.

ÓzA