Jáhán bankiniń Atqarıwshı direktorlar keńesi Ózbekstan ushın 250 million dollar muǵdarındaǵı qarjılandırıw paketin tastıyıqladı. Qarjılar mámlekettiń 16 rayon hám qalasında kommunallıq infrastruktura hám xızmetlerdi (jollar, suw támiynatı hám aqaba suw sisteması, jámiyetlik transport, mektepler, poliklinikalar hám dem alıw baǵları) rawajlandırıwǵa baǵdarlanadı.

Joybar “Qalalarda jasaw ushın qolaylı ortalıq jaratıw hám ónimdarlıqtı arttırıw” (LPCP) baǵdarlaması sheńberinde ámelge asırılıp, 2030-jılǵa shekem 1 millionǵa shamalas xalıqtıń turmıs sapası jaqsılanıwı kútilmekte.
Baǵdarlama transport, jámiyetlik aymaqlar, suw támiynatı, jol hám sociallıq infrastrukturanı qamtıp aladı hám jerlerdi tartıp alıw yamasa xalıqtı májbúriy kóshiriwge alıp keletuǵın joybarlardı qarjılandırmaydı.
Esletip ótemiz, aldınıraq Jáhán bankiniń Ózbekstanda bilimlendiriw kreditlerin qarjılandırıw sistemasın qollap-quwatlawǵa qaratılǵan EduImkon baǵdarlaması ushın 250 mln dollar muǵdarındaǵı kreditti maqullaǵanı xabar etilgen edi.

Qaraqalpaqstan xabar agentligi