Ózbekstan sırtqı isler ministri Baxtiyor Saidov Avstriya ishki isler ministri Gerxard Karner menen ushırasıw ótkerdi. Bul haqqında mámleketimizdiń SIM baspasóz xızmeti xabar berdi.

Sóylesiwler waqtında qáwipsizlik, migraciya, terrorizmge qarsı gúresiw hám óz-ara paydalı bolǵan basqa da baǵdarlarda birge islesiwdi keńeytiw máseleleri dodalandı. Sonday-aq, sóylesiw dawamında málimleme almasıwı hám institucionallıq birge islesiwdi bekkemlewge ayrıqsha itibar qaratıldı.
– Málimleme almasıwdı kúsheytiw, institucionallıq sheriklikti jedellestiriw, turaqlılıqtı támiyinlew hám puqaralarımızdıń qáwipsizligin qorǵawǵa qaratılǵan birgeliktegi baslamalardı islep shıǵıw áhmiyetli ekenligin atap óttik, – dep jazdı ministrimiz óziniń sociallıq tarmaǵında.
Ushırasıw juwmaǵında tárepler sóylesiwdi dawam ettiriw hám belgilengen baǵdarlarda ámeliy joybarlardı alǵa qoyıwǵa tayar ekenin tastıyıqladı.

A.Alimova, ÓzA