12-dekabr kúni Tashkent qalası Xalıqaralıq Avtomobil Federaciyası (FIA) Bas Assambleyası hám FIA Awards saltanatlı sıylıqlaw máresimine basshılıq etedi. Áhmiyetlisi, bul tariyxıy ilaj Oraylıq Aziyada birinshi márte ótkerilmekte.

FIA avtosporttı tártipke salıwshı hám jol háreketi qáwipsizligin úgit-násiyatlawshı jetekshi xalıqaralıq shólkem bolıp tabıladı. Tashkentte ótetuǵın ilajlarda 100 den aslam mámleket wákilleri qatnasıp, onda globallıq avtosport siyasatı hám bir qatar máseleleri dodalanadı.
FIA Awards máresiminde bolsa Formula 1, WRC, WEC, Formula E sıyaqlı jónelislerdegi eń jaqsı pilotlar hám komandalar sıylıqlanadı. Bul ilajda dúnyanıń eń belgili juldız pilotları húrmetli miyman sıpatında qatnasadı.

Qaraqalpaqstan xabar agentligi