Prezident Shavkat Mirziyoevtiń qatnasıwında Xalıq deputatları Sırdárya wálayatı Keńesiniń gezeksiz sessiyası bolıp ótpekte.

– Xalqımız jaqsı jasasın, perzentleri zamanagóy bilim hám kásip iyelesin, dáramatı kóbeysin dep háreket etip atırmız. Men isenemen, jáne bir-eki jıl qattı izlensek, Sırdáryada júdá úlken ósiw, rawajlanıw boladı.
Wálayatta mine, usınday jumıslardı shólkemlestiriw ushın isenimli, talapshań, eń tiykarǵısı, xalıq hám isbilermenlerdi qıynap atırǵan máselelerge jedel sheshim tabatuǵın potenciallı basshı kerek, – dedi mámleketimiz basshısı.
Sessiyada shólkemlestiriw máselesi kórip shıǵıldı.
Prezidentimiz xalıq hám isbilermenlerdiń pikirin úyrenip, Sırdárya wálayatınıń hákimi lawazımına hákim wazıypasın atqarıp atırǵan Erkin Turdimovtı usınıs etiwge qarar etkenin atap ótti.
Wálayat belsendileriniń pikirleri tıńlanıp, hákimdi tayınlaw máselesi dawısqa qoyıldı. Dawıs beriw nátiyjelerine bola, Erkin Turdimov Sırdárya wálayatı hákimi lawazımına tastıyıqlandı.
Hákim Sırdáryanı rawajlandırıw boyınsha rejelerin turmısqa, xalıqtıń turmıs tárizine kóshirip, wálayattı eń aldıńǵı aymaqlardan birine aylandırıw ushın kelesi jılı wálayatqa jámi 3 milliard dollar investiciya kirgiziw, eksporttı 500 million dollarǵa jetkeriw, 185 mıń adamdı bánt etiw boyınsha qattı islewi kerek ekenligi kórsetip ótildi.

ÓzA