Prezident Shavkat Mirziyoevtiń qatnasıwında Xalıq deputatları Sırdárya wálayatı Keńesiniń gezeksiz sessiyası bolıp ótpekte.

Sırdáryada baqsha, mektep, emlewxana orınların kóbeytiw, elektr, suw, kanalizaciya hám jollardı jaqsılaw boyınsha da unamlı ózgerisler boldı.
Bir ǵana mısal, usı jıldıń ózinde Sırdárya xalqınıń turmısın jaqsılaw ushın 100 million dollar berildi.
Nátiyjede 47 mektep, 45 baqsha, 31 medicina mákemesi, 5 sport hám mádeniyat orayı tolıq ońlanıp úskenelendi.
Sonday-aq, 87 kilometr tarmaq tartılǵanı sebepli Gúlistan qalasındaǵı 22 mıń shańaraqqa ishimlik suwı úzliksiz barıp tur.
Jıldıń aqırına shekem jáne 9 kilometr jańa tarmaq tartılıp, Mırzabad, Sardoba, Boyovut, Xovos rayonları hám Yangier qalasındaǵı 12 mıń shańaraq turaqlı ishimlik suwı menen támiyinlenedi.
Bul jumıslar dawam ettirilip, wálayattaǵı elektr, jol, suw, kanalizaciya hám basqa da infrastrukturaǵa baylanıslı máselelerdi sheshiw ushın kelesi jılı jáne 100 million dollar ajıratılatuǵını belgilendi.

ÓzA