Jaqında ǵana kapital rekonstrukciya jumısları júrgizilip paydalanıwǵa tapsırılǵan Xojeli rayonınıń oraylıq stadionında futbol boyınsha 2008-jılda tuwılǵan (U-17) qızlar arasında Qaraqalpakstan Respublikası chempionatı bolıp ѳtti.

Jarısta Nókis qalası hám barlıq rayonlardan komandalar qatnasıp, chempionlıq ushın óz-ara keskin gúres alıp bardı. Keskin ótken oyınlar sońında Nókis rayonı komandası birinshi orındı jeńip alıwǵa miyasar boldı.
Al, sıylı ekinshi hám úshinshi orınlar bolsa, Xojeli hám Qanlıkól rayonı qızlarına nesip etti.
Jarıs juwmaǵında jeńimpaz hám sıylı orın iyeleri shólkemlestiriwshiler tárepinen tayarlanǵan arnawlı kubok hám diplomlar sıylıqlandı.

Adilbay Orazov,
Qaraqalpaqstan xabar agentligi sholıwshı