Ózbekstan Respublikası Prezidenti Shavkat Mirziyoev Transkaspiy transport koridorı boyınsha investorlar forumında qatnasıw ushın Tashkentke kelgen Franciya Respublikası transport ministri Filipp Tabaranı qabılladı.

Ushırasıw aldınan joqarı mártebeli miyman mámleketimiz basshısına Franciya Respublikası Prezidenti Emmanuel Makronnıń qızǵın sálemi hám eń jaqsı tileklerin jetkerdi.
Usı jıldıń mart ayında Parijge ámelge asırılǵan joqarı dárejedegi tariyxıy sapar dawamında erisilgen kelisimlerdi ámelge asırıw arqalı Ózbekstan hám Franciya arasındaǵı strategiyalıq sheriklik, ásirese, transport-logistika tarawındaǵı birge islesiwdi bunnan bılay da rawajlandırıw máseleleri dodalandı.
Ushırasıwda puqaralıq aviaciyasında baylanıslardı keńeytiw, transport tarawında joqarı mamanlıqtaǵı qánigelerdi tayarlaw, sonıń ishinde, jaqında shólkemlestirilgen Ózbekstan – Franciya universitetiniń imkaniyatlarınan paydalanıwǵa ayrıqsha itibar qaratıldı.

ÓzA