Somali Federativlik Respublikasınıń Ózbekstan Respublikasındaǵı birinshi elshisi tayınlandı. Bul haqqında Ózbekstan Respublikası Sırtqı isler ministri Baxtiyor Saidov óziniń Telegram kanalında málim etti.

Sırtqı isler ministriniń jazıwınsha, búgin, 27-noyabr kúni Fatxudin Ali Mohamed Somalidiń Ózbekstandaǵı birinshi elshisi sıpatında isenim jarlıqların tapsırǵan.
Atap ótiliwinshe, ilaj dawamında eki mámleket arasındaǵı kóplegen perspektivalı baǵdarlarda óz-ara paydalı birge islesiwdi jáne de bekkemlewge sadıqlıq bildirilgen.
“Elshiniń áhmiyetli diplomatiyalıq missiyasında úlken tabıslar tileymiz hám nátiyjege baǵdarlanǵan birge islesiwdi birgelikte rawajlandıramız,” deydi Baxtiyor Saidov.

Qaraqalpaqstan xabar agentligi