Android – smartfonlarda onıń ekranın oqıy alatuǵın Sturnus virusı anıqlandı, dep xabar berdi Android Authority basılımı.

Virus jábirleniwshi telefon ekranın oqıwdan tısqarı, maǵlıwmatlardı shifrlaw sistemasın da aylanıp ótiwi múmkin. Máselen, Telegram hám Signal messendjerlerindegi xabarlarǵa da Sturnus virusı jol taba aladı.
Ekran arqalı virus parollerdi jıynawı, bank qosımshaları maǵlıwmatların qolǵa kirgiziwi, jazıspalardı oqıwı hám smartfondaǵı maǵlıwmatlardı alıwı múmkin.
Ekspertlerdiń pikirinshe, virus Google Chrome hám basqa da ǵalabalıq qosımshalar nıqabında jasırınǵan. Ol internette apk – fayllar arqalı tarqatılıp atırǵan bolıwı múmkin.

Qaraqalpaqstan xabar agentligi