Prezident Shavkat Mirziyoevtiń basshılıǵında videoselektor májilisi dawam etpekte.

Kámbaǵallıqtı qısqartıw hám bántlik rejelerin orınlawdaǵı juwapkersizlik ushın jıldıń basınan 261 juwapker jumıstan bosatılǵanı, jáne 492 si intizamıy jazaǵa tartılǵanı málim etildi.
– Járdemge mútáj shańaraqlardıń eń awır qatlamı qaldı. Bunday 400 mıń shańaraqtı kámbaǵallıqtan shıǵarıw ushın wálayat, rayon hákiminiń birinshi orınbasarları, bántlik, bank basshıları, “máhálle jetiligi” óziniń kózqarasın hám jumıs usılın ózgertiwi kerek, – dedi mámleketimiz basshısı.
Kelesi jılı kámbaǵallıq hám jumıssızlıq dárejesin 4,5 procentten azaytıw juwapkerlerdiń tiykarǵı wazıypası bolatuǵını atap ótildi.
Kelesi jılı ekonomikaǵa 450 trillion sum kredit ajıratılatuǵını, 140 trillion sumı máhálledegi kishi hám orta joybarlar ushın beriletuǵını belgilendi.

ÓzA