Prezident Shavkat Mirziyoev kómir qazıp shıǵarıwda erisilgen nátiyjeler hám keleshektegi wazıypalar boyınsha prezentaciya menen tanıstı.

Gúzgi-qısqı máwsimde xalıqtıń úylerin, sociallıq taraw mákemelerin hám ekonomika tarmaqların energiya resursları menen úzliksiz támiyinlew maqsetinde energetikanıń barlıq tarmaqları qatarında kómir sanaatında da jańa joybarlar ámelge asırılmaqta, óndiris quwatlıqları hám kólemleri kóbeytilmekte.
2024-2025-jıllar gúzgi-qısqı máwsiminde derlik 8,7 million tonna kómir qazıp alınıp, ıssılıq elektr stanciyaları, byudjet shólkemleri hám xalıqqa jetkerip berildi.
Prezentaciyada 2025-2026-jıllar gúzgi-qısqı máwsimde 10 million tonna kómir islep shıǵarıw rejelestirilgeni málim etildi. Bunıń ushın “Ózbekkómir” akcionerlik jámiyeti kárxanalarınıń materiallıq-texnikalıq bazası kúsheytildi, tarawda qosımsha islep shıǵarıwshılardıń jumısı ushın sharayatlar jaratıldı.
Prezidentimiz máwsim dawamında xalıqtı kómir menen kepillikli támiyinlew boyınsha kórsetpeler berdi. Kárxanalardı modernizaciyalaw hám jańa óndirislik quwatlıqlardı iske qosıw, tarawda bazar principleri hám básekini rawajlandırıp, ónimniń ózine túser bahasın túsiriw áhmiyetli ekenligi atap ótildi.
Prezentaciyada uran baǵdarındaǵı jańa investiciyalıq joybarlardı jedellestiriw, geologiyalıq-izlew jumıslarınıń kólemin keńeytiw, zamanagóy texnologiyalardı engiziw máseleleri de kórip shıǵıldı.

ÓzA