Prezident Shavkat Mirziyoevtiń AQShqa rásmiy saparı sheńberinde awıl xojalıǵı ministri Ibrohim Abdurahmonov Xalıqaralıq paxta másláhát komiteti (ICAC) direktorı Erik Traxtenberg penen ushırastı.

Awıl xojalıǵı ministrligi málimleme xızmetiniń jazıwınsha, sóylesiw dawamında tárepler komitet penen ámelge asırılıp atırǵan birge islesiwdiń nátiyjeleri hám keleshektegi rejelerdi dodaladı.
Atap aytqanda, Ózbekstanda paxtashılıq tarawında “Karbon bazarı” sistemasın engiziwge qaratılǵan birge islesiw memorandumına qol qoyıldı. Bul baslama xalıqaralıq kólemde turaqlı óndiristi rawajlandırıw hám ekologiyalıq texnologiyalardı engiziwge xızmet etetuǵını atap ótildi.
Sonday-aq, 2026-jılı Ózbekstanda «International Cotton Day» xalıqaralıq ilajın ótkeriw boyınsha kelisimge erisildi.
Bul forum mámlekette paxta jetistiriw tarawında ámelge asırılıp atırǵan reformalar, innovaciyalıq kózqaraslar hám ekologiyalıq turaqlı óndiris ámeliyatın kórsetiw ushın áhmiyetli platforma bolıp xızmet etetuǵını menen áhmiyetli.

Qaraqalpaqstan xabar agentligi