Densawlıqtı saqlaw ministrligi “Densawlıǵı sebepli qáwipsizlik belbewin taǵıw múmkin bolmaǵan kesellikler hám jaǵdaylar dizimi joybarı”n jámiyetshilik dodalawı ushın járiyaladı.

Oǵan bola, jámi 17 kesellik hám jaǵdayda qáwipsizlik remenin taqpawǵa ruqsat beriledi:
1. omırtqa hám tós súyegi sınıwı;
2. iyin belbewi sınıwı;
3. qabırǵalar sınıwı;
4. Omırtqa baǵanasınıń intersticial sınıwı;
5. ókpeniń sozılmalı obstruktiv kesellikleri (IV basqısh);
6. Bronxial astma (IV basqısh);
7. ókpeniń intersticial zıyanlanıwı;
8. ókpeniń bir bólimin yamasa pútin bólimin (shep yamasa oń) alıp taslaw;
9. sozılmalı júrek jetispewshiliginiń III basqıshı hám dekompensaciya basqıshı;
10. III dárejeli (morbid) semizlik
11. pás boylıq (nanizm) – 150 sm dan tómen;
12. qol yamasa iyin háreketin sheklewshi nevrologiyalıq kesellikler;
13. teriniń kókirek bóliminde jaylasqan awır allergiyalıq yamasa dermatologiyalıq kesellikleriniń awır túrleri (ekzema, psoriaz);
14. kókirek yamasa iyin bóliminde protez yamasa implantlar qoyılıwı;
15. kókirek quwıslıǵı hám qarın boslıǵına ótkerilgen ashıq túrdegi operaciyalar;
16. stomalar (jasalma shıǵıw jolı) qoyılıwı;
17. kókirek quwıslıǵı aymaǵındaǵı iri óspeler.
Sonday-aq, hámiledar hayallar da qáwipsizlik remenin taqpawı múmkin boladı.
Puqara joqarıdaǵı kesellikler menen kesellengeni boyınsha “Elektron densawlıqtı saqlaw” málimleme sisteması arqalı qáliplestirilgen QR-kodlı elektron medicinalıq maǵlıwmatnamalar ózi biriktirilgen baslanǵısh medicinalıq-sanitariyalıq járdem mákemesi tárepinen beriledi.
Hújjet ele kúshke kirgen joq- dep málimleme beredi xs.uz sayti.

Qaraqalpaqstan xabar agentligi