Ózbekstan Respublikası Prezidenti Shavkat Mirziyoev Amerika Qurama Shtatları Prezidenti Donald Tramptıń mirát etiwine bola 4-noyabr kúni ámeliy sapar menen Vashington qalasına keldi.

“Endryus” aviabazasında mámleketimiz basshısın AQSh Mámleketlik xatkeriniń orınbasarı Kristofer Landau, AQSh – Ózbekstan sawda palatasınıń baslıǵı Kerolin Lemm hám basqa da rásmiyler kútip aldı.
Sapardıń tiykarǵı ilajları 5-6-noyabr kúnleri bolıp ótedi. Ózbekstan Prezidenti Amerika Qurama Shtatları Prezidenti Donald Tramp penen ushırasadı jáne Oraylıq Aziya mámleketleri hám AQSh jetekshileriniń “S5+1” formatındaǵı sammitinde qatnasadı.
Ilajlar baǵdarlamasınan AQSh Kongressi hám húkimeti wákilleri menen sóylesiwler, usı mámlekettiń jetekshi kompaniyalarınıń basshıları menen óz aldına ushırasıwlar jáne isbilermen toparlardıń qatnasıwındaǵı dógerek sáwbeti de orın alǵan.

ÓzA