Prezident Shavkat Mirziyoevtiń basshılıǵında jasalma intellekt texnologiyaların rawajlandırıw boyınsha videoselektor májilisi baslandı.

– Búgin insaniyat jańa civilizaciya basqıshına – jasalma intellekt dáwirine isenimli qádem qoymaqta.
Bunday texnologiyalar ekonomikadan baslap, bilimlendiriw, medicina, awıl xojalıǵı hám basqarıw sistemasına shekem tereń kirip barmaqta.
Qaysı taraw bolmasın, bul processte tereń izlenip, anıq nátiyje islese, bir qádem aldında júrse, shek sonıki boladı, – dedi mámleketimiz basshısı.
Jıldıń basında 2030-jılǵa barıp, dúnya ekonomikasında jasalma intellekt kólemi 15 trillion dollarǵa jetiwi prognoz etilgen bolsa, házirgi tallawlar bul san 20 trillion dollardan artatuǵının kórsetpekte.

ÓzA