Kásiplik awqamları sistemasındaǵı 30 dan aslam sanatoriy hám 100 den aslam balalar dem alıw orayları xızmetkerler hám olardıń perzentleriniń salamatlıǵın tiklep, dem alıwı ushın xızmet etpekte.

Sońǵı bes jılda sanatoriylerde 900 mıńǵa shamalas xalıq óz salamatlıǵın tikledi, dem alıw oraylarında bolsa 800 mıń bala dem aldı.
Jaqında Íssıqkólde “Bostan-Rezort” pansionatınıń iske qosılǵanı watanlaslarımız ushın jáne bir qolaylıq boldı. Sonıń menen birge, bul Ózbekstan hám Qırǵızstan qatnasıqlarınıń bekkemlenip atırǵanınıń simvolına aylandı.
Biraq, kásiplik awqamları infrastrukturası xalqımızdıń talapların tolıq qamtıp almay atırǵanı atap ótildi.
Mámleketimiz basshısı hákimlerdi shette turmastan, hár jılı óz aymaǵında kásiplik awqamları menen birgelikte yamasa mámleketlik-jeke menshik sheriklik járdeminde zamanagóy joybarlar tiykarında birewden sanatoriy hám dem alıw ornın qurıw boyınsha óz aldına baǵdarlama tastıyıqlawǵa shaqırdı.
Prezident Shavkat Mirziyoev kásiplik awqamları wákilleri menen ushırastı.

ÓzA